ކޯވިޑް19އަށް ޕިޒިޓިވް ވަމުންދާ މީހުންގެ އަދަދު މަތިވެ. އިންޑިއާގައި، މަރުވާ މީހުންގެ ހަށިތައް އަންދާލުން، އަދި ވަޅުލުމަށް އިންޑިއާގައި ދަތިތަކާ ކުރިމަތި ވެއްޖެއެވެ.
މިގޮތުން، މަރުވާ މީހުންގެ ހަށިތައް އަންދާކުމށް ހަމަޖެހިފައިވާ ތަންތަނުގެ ކެޕޭސިޓީތައް ފުލްވެ، މަރުވާ މީހުންގެ ހަށިތައް ވަނީ، އެތައް ގަޑިއިރެއް ވަންދެން ވަނީ ކިއުގައި ބައިތިއްބަން ޖެހިފައެވެ.
ހީވެސް ނުކުރާ ވަރަށް ގިނައިން އިންޑިއާގެ އެކި އަވަށްތަކުގައި، މީހުން މަރުވަމުން ދިއުމާގުޅިގެން، މީހުންގެ ހަށިތައް ފުނިޖެހިފައި ވުމާއި ގުޅިގެން، ހަށިތައް އެންދުމަށް ހަމަޖެހިފައިވާ ތަންތަނުގައި މީހުންގެ ހަށިތައް މިހާރު އަންދަމުންދަނީ، ހިންދޫ ދީނުގައި ހަށީތައް އެންދުމުގެ ކުރިން ބާއްވަންޖެހޭ ދީނީ އިހުތިފާލުވެސް ބޭއްވުމަކާ ނުލާކަމަށް، އިންޑިއާގެ ތަފާތު ނޫސްތަކުން ރިޕޯޓު ކޮށްފައި ވެއެވެ.
އިންޑިއާގައި އާދަޔާ ޚިލާފަށް ކޯވިޑް19 ފެށެންފެށިތާ މިއަދަށް5 ދުވަސް ފާއިތިވެފައި ވާއިރު، ފާއިތުވެދިޔަ ކޮންމެ ދުވަހަކުންވެސް، ރެކޯޑް އަދަދަކަށް މީހުން ދަނީ މި ބައްޔަށް ޕޮޒިޓިވް ވަމުންނެވެ. މިގޮތުން، ފާއިތުވި 24 ގަޑިއިރުގެ ތެރޭގައި އެކަނިވެސް، 352,991 މީހުން އިންޑިއާގައި ކޯވިޑަށް ޕޮޒިޓިވްވެ، މި ބަލި ޖެހިފައިވާ މީހުންގެ އަދަދު ވަނީ 17 މިލިއަނަށް އަރާފައެވެ. އަދި މީހުން މަރުވާ އަދަދު ރެކޯޑް އަދަދަކަށް މަތިވެ، ފާއިތުވި 24 ގަޑިއިރު ތެރޭގައި ވަނީ، 2,812 މީހުން މަރުވެފައެވެ.
އިންޑިއާގައި، މިހާތަނަށް، ކޯވިޑް ބަލީގައި ޖުމްލަ 195,123 މީހުން ވަނީ މަރުވެފައެވެ.
ކޯވިޑް19ގެ ހާލަތު ގޯސްވެ، ބަލި މީހުން އެޑްމިޓް ކުރާނެ އެދުތަކާއި އޮކްސިޖަލް ސަޕްލައިން އެކަށީގެންވާ މިންވަރަށް ލިބެން ނެތި، އިންޑިއާގެ ސިއްޙީ ނިޒާމަށް އިންތިހާއަށް ބާރު ބޮޑުވެފައި ވާއިރު، ދުނިޔޭގެ އެތައް ގައުމަކުން މިހާރުވަނީ، އިންޑިއާއަށް އެހީތެރިކަން ފޯރުކޮށްދޭނެ ކަމަށް ބުނެފައެވެ. މީގެތެރޭގައި އެމެރިކާ، އިގިރޭސިވިލާތް އަދި ޖާމަނީ ހިމެނެއެވެ.
"އިންޑިއާއަށް އެހީތެރިކަން ފޯރުކޮށް ދިނުމަށް WHOއިން ދަނީ ވެވެންއޮތް ގޮތަކުން އެހީތެރިކަން ފޯރުކޮށް ދެމުން. މީގެތެރޭގައި، އެތައް ހާސް އޮކްސިޖަން ކޮންސެންޓްޓަރުތައް ތަކާއި، މޯބައިލް ފީލްޑް ހޮސްޕިޓަލްގެ އިތުރުން ލެބޯޓްރީތަކަށް ބޭނުންވާ ސާމާނު ސަޕްލައި ކޮށްދިނުންވެސް ހިމެނޭ،" ޖެނީވާގައި ބޭއްވުނު މީޑިއާ ބްރީފިން އެއްގައި، ވާހަކަ ދައްކަވަމުން، WHOގެ އެންމެ އިސްވެރިއާ ޓެޑްރޯސް އަދަނޯމް ގެބްރެޔޭސުސް ވިދާޅުވެފައި ވެއެވެ.
"It’s pleasing to see small declines in cases and deaths in several regions, but many countries are still experiencing intense #COVID19 transmission, and the situation in #India is beyond heartbreaking"-@DrTedros #InThisTogether
— World Health Organization (WHO) (@WHO) April 26, 2021
