ދުނިޔޭގެ ހުރިހާ ހިސާބެއްގައި ވެސް ފިލްމީ ތަރިންނަކީ މަޝްހޫރު ބައެކެވެ. ހަމައެހެންމެ ބޮލީވުޑްގެ ފިލްމުތަކާއި ފިލްމީތަރިންނަށް ލޯބިކުރާ، އަދި އެމީހުން ފޮލޯކުރާ ގިނަބަޔަކު ދުނިޔޭގެ އެކި ކަންކޮޅުތަކުގައި އުޅެއެވެ.
ޚާއްސަކޮށް ބެލުންތެރިންނަށް ކަމުދާ ތަރިއެއްނަމަ އެ ތަރިއެއްގެ އާއިލާގެ މެމްބަރުންނަކީ ވެސް ހަމަ މި ފަދައިން އާންމުން ފޮލޯކުރާ ބައެކެވެ.
މިފަދަ މަޝްހޫރު ތަރިންގެ ތެރެއިން ސައިފް އަލީ ޚާނާއި އަމްރިތާ ސިންގެ ފިރިހެން ދަރިފުޅު އިބްރާހިމް އަލީ ޚާންއަކީ ބެލުންތެރިން ވަރަށް ގަޔާވާ ޝަހްސިއްޔަތެކެވެ.
އިބްރާހިމް އަލީ ޚާންގެ ބޮޑުދައިތަ ސަބާ އަލީ ޚާން ހުކުރު ދުވަހު ވަނީ އޭނާގެ އިންސްޓަގްރާމުގައި އިބްރާހީމް އަލީ ޚާންގެ ކުޑައިރުގެ ފޮޓޯއެއް ހިއްސާކޮށްފައެވެ. އަދި މި ފޮޓޯ ހިއްސާކުރުމުން ވަރަށް ގިނަ ބެލުންތެރިންވަނީ މޮޔަވާވަރުވެފަ އެވެ. މި ފޮޓޯއަށް ވަރަށް ގިނަ ލައިކް އަދި ކޮމެންޓު ލިބިފައިވާއިރު ބައެއް ބެލުންތެރިން ބުނެފައިވަނީ އިބްރާހިމް ކުޑައިރު ހީވަނީ ސައިފްގެ ކޮޕީއެއް ހެންނެވެ.
View this post on Instagram
ސަބާ އަލީ ޚާންއަކީ އަބަދުވެސް އޭނާގެ އާއިލާގެ އެކި އެކި މެމްބަރުންގެ ފޮޓޯތައް އިންސްޓްގްރާމުގައި ހިއްސާކުރާ ފަރާތެކެވެ. އެގޮތުން ތައިމޫރް އިން ފެށިގެން ނައުމީ ކެމޫ އާއި ހަމަޔަށް ލޯބި ފޮޓޯތައް އޭނާ ހިއްސާކުރެއެވެ. އަދި އަގުވަޒަންކުރުމުގެ ގޮތުން ކަރީނާ ކަޕޫރް ޚާން، ޝަރްމީލާ ޓެގޯރް، ސޯހާ އަލީ ޚާން އަދި މީގެ އިތުރުންވެސް އެހެން އާއިލާ މެމްބަރުންގެ ފޮޓޯ އޭނާ ހިއްސާކުރެއެވެ.
