އިޓާލިއަން ސެރިއާގައި އަލަށް ޕްރޮމޯޓްވި ކޮރްޓޯނޭއާ ވާދަކޮށް 1-1 ލަނޑުން އެއްވަރުވުމުން މާޔޫސްވި ނަމަވަސް ލީގު ނިންމާލާނީ ކުރީގައި އެވޮކަން ޔަގީންވާ ކަމަށް ޔުވެންޓަސްގެ ކޯޗު އަންދްރޭ ޕިރްލޯ ބުނެފިއެވެ.
މެޗަށްފަހު ވާހަކަދައްކަމުން ޕިރްލޯ ބުނީ އެންމެފަހުން ކުޅުނު ދެމެޗުގައި 10 މީހުންނާއެކު ފުރިހަމަކުރަން ޖެހުމުން ޔުވެންޓަސް ކަހަލަ ޒުވާން ކުޅުންތެރިން ގިނަ ޓީމަކަށް އެކަންކަން ހަމައަކަށް އަޅުވަން ވަގުތު ބޭނުންވާކަމަށެވެ. މިކަހަލަ މެޗުތަކުން ޒުވާން ކުޅުންތެރިން ތަޖުރިބާ ހުރި ކުޅުންތެރިން ފަރާތުން ކަންކަން ދަސްކުރަން ޖެހޭކަމަށް ޕިރްލޯ ބުނިއެވެ. މެޗަށް ނުކުތް އުރި ގޮންޖެހުންތައް ހުރިކަމަށާއި ހުރިހާ ކުޅުންތެރިން އެކީ މެޗުގެ ތަމްރީން ހެދުނީ މެޗު ކުޅެންއޮތް ދުވަހުގެ އެއްދުވަސް ކުރިންކަން ޕިރްލޯ ބުނިއެވެ.
އަރުމެންނަށް އެނގޭ އެންމެވަރުގައަށް ލީގަށް ވާދަކުރާނީ އަހަރެމެންކަން، އެކަމަކު މިހާރުވެސް ޕޮއިންޓުތަކެއް ގެއްލިއްޖެ.
– ޕިރްލޯ
ޔުވެންޓަސްއަކީ މިސީޒަނުގައި ވެސް ލީގަށް ވާދަކުރާނެ ޓީމެއް ކަމަށާއި ޔުވެންޓަސްއިން މަސައްކަތް ކުރާނީ ޕޮއިންޓަކަށް ފަހު ޕޮއިންޓަކަށް ކަމަށެވެ. އަދި ލީގު ނިންމާލާނީ އެންމެ ކުރީގައި އޮވެކަން ޔަގީންވާކަމަށް ޔުވެންޓަސްގެ ކޯޗު ބުނިއެވެ.
ހަތަރު މެޗުން ހޯދި 8 ޕޮއިންޓާއެކު މިވަގުތު ޔުވެންޓަސް އޮތީ ލީގުގެ ހަތަރުވަނައިގަ.
