އައްޑޫގައި ރޭ ހިނގި މާރާމާރީގައި ޒުވާނެއްގެ އަތުގެ އިނގިލިތައް ބުރިކޮށްލައި އޭނާގެ ގައިގެ އެކިތަންތަނަށް ވަނީ ހަމަލާދީފައެވެ.
މަންޒަރު ދުށް މީހަކު ބުނި ގޮތުގައި ވަޅިން ހަމަލާދީ އެ ޒުވާނާގެ އަތުގެ ދެ އިނގިލި ވަނީ ބުރިކޮށްލައިފައެވެ. އެމީހާގެ އުނަގަނޑާއި ފަޔަށާއި ބުރަކައްޓަށް ވެސް ހަމަލާދީފައިވާ ކަމަށްވެއެވެ. އަދި އެމީހާގެ ފައި ވެސް އޮތީ ވަރަށް ބޮޑަށް ޒަހަމްވެފައެވެ.
ފުލުހުން ވިދާޅުވީ އައްޑޫސިޓީ ހިތަދޫގައި 2 ގްރޫޕްއެއް ދެމެދުގައި ހިނގި މާރާމާރީއެއްގައި ތޫނު އެއްޗަކުން ހަމަލާދީ މީހަކު ޒަހަމް ކޮށްލާފައިވާ މައްސަލައެއް ރޭ ދަންވަރު 12:28 ކަންހާއިރު ފުލުހުންނަށް ވަނީ ރިޕޯޓްކޮށްފައެވެ.
މިމާރާމަރީގައި އަނިޔާލިބުނު މީހާއަށް އައްޑޫ އީކުއަޓޯރިއަލް ހޮސްޕިޓަލުގައި ފަރުވާދެމުން އަންނަ ކަމަށެވެ. އަނިޔާލިބުނު މީހާއަށް ސީރިއަސް އަނިޔާތަކެއް ވެފައިވެއެވެ. މިމައްސަލަ ފުލުހުން ތަހުގީގް ކުރަމުންދާކަމަށް ވަނީ ވިދާޅުވެފައެވެ.
ކޮމެންޓު ފޮނުވާ