ސުޝްމީތާގެ ލޯބިވެރިޔާ ރޮހްމާން މިއީ ކާކުކަން އިނގެން ބޭނުންތަ؟

އިންޑިއާގެ މަޝްހޫރު ތަރި ސުޝްމީތާ ސެންގެ ޒުވާން ލޯބިވެރިޔައަކީ ކާކުކަން ގިނަބަޔަކު އިނގެން ބޭނުން ވެއެވެ.

44 އަހަރުގެ ސުޝްމީތާގެ ލޯބިވެރިޔާގެ އުމުރަކީ 27 އަހަރެވެ. ރޮހްމާން ޝަވްލް ނަމަކަށް ކިޔާ އެ ޒުވާނާއަކީ މޮޑެލް އެކެވެ. އޭނާއަކީ މަޝްހޫރު އެތައް ބްރޭންޑެއް ޕްރޮމޯޓް ކުރަމުންދާ ޒުވާނެކެވެ.

ރޮހްމާންގެ ކުޑަ ތައާރަފެއް:

1991 ވަނަ އަހަރުގެ ޖެނުއަރީ މަހުގެ ހަތަރު ވަނަ ދުވަހު އިންޑިއާގެ އުއްތަރްޕްރަދޭޝްގެ ނޮއިޑާއަށް ނިސްބަތްވާ ރޮހްމާންއަކީ ކުޑައިރުން ފެށިގެންވެސް ފެޝަންއަށް ލޯބި ކުރާ މީހެކެވެ. އުމުރުން 22 އަހަރުގައި ނޮއިޑާއިން މުމްބާއީއަށް ބަދަލުވީވެސް މޮޑެލިންގެ ކެރިއާއިގެން ކުރިއަށް ދިޔުމަށެވެ. އެ މަސައްކަތުގެ ތެރެއިން މިހާތަނަށް މަޝްހޫރު ފެޝަން ޑިޒައިނަރުންނާއެކު އޭނާ މަސައްކަތްކޮށްފައި ވއެވެ. އޭގެ ތެރޭގައި ސަބްޔަސަޗީ އާއި މާނިޝް މަލްހޮޓްރާ ފާހަގަކޮށްލެވެއެވެ. އޭނާ ވަނީ ވެބްސީރީސްއަކުންވެސް ފެނިގެން ގޮސްފައެވެ. އެއީ "ހިއާ މީ ލަވް" އެވެ.

ރޮހްމާން އާއި ސުޝްމީތާއާ ދިމާވީ ކިހިނެއް؟

މީޑިއާ ރިޕޯޓްތައް ބުނާގޮތުގައި، ރޮހްމާން އާއި ސުޝްމީތާއާ ދިމާވަނީ މުމްބާއީގައި އޮތް ނީތާ ލުއްލާ ފެޝަން ޝޯވއިންނެވެ. ރޮހްމާން ވަނީ ސުޝްމީތާއަށް ފުރަތަމަ އެޕްރޯޗްކޮށްފައެވެ. ފަހުން ދެ މީހުން ލޯބީގެ ގޮތުން ގުޅިގެން އުޅެން ފެށިއިރު، އެ ގުޅުން ކުރިއަށްގެންދަންއުމުރަކީ އެއްވެސް އެއްޗެއް ނޫންކަން ސާބިތުކޮށްދީފިއެވެ. ދެ މީހުން ލޯބީގެ ގޮތުން ގުޅިގެން އުޅޭކަން ސުޝްމީތާ ވަނީ އިންސްޓަގްރާމް މެދުވެރިކޮށް ކަށަވަރުކޮށްދީފައެވެ.
މި ދެ މީހުން ލޯބީގެ ގޮތުން ގުޅިގެން އުޅޭތާ މިހާރު ދެ އަހަރެއްހާ ދުވަސް ވެދާނެ އެވެ.

ރޮހްމާންއަށް އެންމެ ކަމުދާ ތަކެތި:
އެންމެ އެޑްމަޔާ ކުރަނީ ސަލްމާން ޚާން.
އެންމެ މަސައްކަތް ކުރަން ބޭނުންވަނީ އަދި ހުވަފެނަކީ ދިޕިކާ ޕަދުކޯން އާއެކު މަސައްކަތް ކުރުން.
އެންމެ ކަމުދާ ކުލަޔަކީ ނޫ ކުލަ'.
އެންމެ ކާހިތްވަނީ އިޓަލިއަން ފުޑްސް.
އެންމެ ކަމުދާ ޑިސްޓިނޭޝަންއަކީ ޕެރިސް.

ރޮހްމާން އާ ގުޅޭ ބައެއް އެހެން ކަންކަން:
އަބަދުވެސް ތުނބުޅި ބަހައްޓަން ބޭނުންވޭ. ސަބަބަކީ އޭނާ ޝޭވްކޮށްފައި ހުންނައިރު ކަމުނުދާތީ.
އޭނާއަކީ ޖަނާވާރަށް ވަރަށް ލޯބިކުރާ މީހެއް.
އޭނާއަށް އެންމެ ކަމުދާ ކުޅިވަރަކީ ފުޓްބޯޅަ.
އޭނާއަކީ ގިޓާ ކުޅުމުގައި އާއި ލަވަކިޔަން ޝައުގުވެރިކަން ހުންނަ މީހެއް.