އަނިޔާގެ ސަބަބުން ސަންޗޭޒްއަށް ވާދަވެރި މިލާން ދެކޮޅަށް ނުކުޅެވިދާނެކަމަށް އިންޓަރ މިލާނުން ބުނެފިއެވެ.
އިންޓަރމިލާންއަށް ކުޅެމުން އަންނަ އެލެކްސިސް ސަންޗޭޒްއަށް އަނިޔާވެފައިވަނީ ވޯލްޑްކަޕް ކޮލިފައިންގައި ކޮލަމްބިއާއާއި ދެކޮޅަށް ކުޅުނު މެޗުގައެވެ. ސަންޗޭޒް އެނބުރި ކުލަބާ ގުޅުނުއިރު ފިޓްނަސް މައްސަލަތަކެއް ކުރިމަތިވެފައިވާކަމަށް އިންޓަ މިލާނުން ބުނެއެވެ.
މެންޗެސްޓާރ ޔުނައިޓެޑް ދޫކޮށް ހިލޭ ޓްރާންސްފާގައި ތިން އަހަރު ދުވަހުގެ އެއްބަސްވުމެއްގެ ދަށުން ސަންޗޭޒްވަނީ މިއަހަރު އިންޓަރމިލާންއާއި ގުޅިފައެވެ.
މިމެޗާ ކުރިމަތިލާއިރު އިންޓަ މިލާނަށް ވަނީ ކޮރޯނާ ވައިރަސްގެ ހިޔަނި އެޅިފައެވެ. އެޓީމު އެޝްލީ ޔަންގް ޕޮޒިޓިވް ވީއިރު ނައިންގޯލިން، ގަލިއާޑީނީގެ އިތުރުން ގޯލްކީޕަރު ލޮނަޓު ރަނޫ ވެސް ވަނީ ޕޮޒެޓިވް ވެފައެވެ.
މިދިޔަ ސީޒަންގައި އިޓާލިއަން ސީރީއާގައި ކުޅުނު 22 މެޗުން ސަންޗޭޒް ވަނީ އިންޓަރމިލާނަށް 4 ލަނޑު ކާމިޔާބުކޮށްދީއެވެ.
