ރައްޔިތުންގެ މަޖިލީހުގެ ރޯޔަލް ފެކްޝަން އިއްޔެ ފަޟީހަތްވެފައިވާކަމަށް ވިދާޅުވެ ޓެލެކޮމިއުނިކޭޝަން މިނިސްޓަރުކަމުން އިއްޔެ ދުރުކުރެއްވި މުޙައްމަދު މަލީހު ޖަމާލް އެމްޑީޕީގެ ޕާލިމަންޓްރީ ގްރޫޕްގެ ލީޑަރު ޢަލީ އާޒިމަށް ފާޑުވިދާޅުވެއްޖެއެވެ.
މަލީހުގެ އިތުބާރު ނެތްކަމުގެ މައްސަލަ މަޖިލީހަށް ހުށައަޅާ ވޯތް ނެގުމުގައި އެންމެ އިސްކޮށް އުޅުއްވީ ޢަލީ އާޒިމްއެވެ. އާޒިމަށް ރައްދުދެއްވަމުން މަލީހު ވަނީ ޢާލީ އާޒިމް އުޅުއްވަނީ ހެއްދެވި ފަރާތަށްވެސް އޮޅުވާލުމަށްތޯ ސުވާލުކުރައްވާފައެވެ. މަލީހު މަޤާމުން ދުރުކުރުމުގެ ހުރިހާ އިޖުރާއަތްތައްވެސް ކުރިއަށް ގެންގޮސްފައިވަނީ ޤާނޫނު އަސާސީއާއި ޚިލާފަށްކަމަށާއި، އިސްތަށޑިފުޅުގައި އެޅުއްވީ ދޮގު އިލްޒާމްކަމަށްވެސް މަލީހު ވިދާޅުވިއެވެ.
މަޖިލީހުގެ ރޯޔަލް ފެކްޝަަން އިއްޔެ ފަޟީހަތްވެއްޖެ. އިއްޔެ ވޯޓު ނެގި ގަޑީގައިވެސް މެންބަރުންނަށް އޮޅުވާލި. ގޯސް. ގޯސް. ގޯސް. ކައްޗަށް އެޅި ބިންގާ…
– މުޙައްމަދު މަލީހު ޖަމާލް
Ali Azim miulhenee hehdhevi faraathahves olhuvaalanthoa? Mulhi process Qaanoonu Asaasee aai khilaafu. Elhuvee dhogu ilzaam. Majlihuge e #Royalfaction iyye falheehaiy vejje. "Beynunveema kohlun" Iyye vote negi gadives memberunnah olhuvaali. Goas. Goas. Goas.Kahchah elhi bingaa…
— Mohamed Maleeh Jamal (@maleehjamal) March 2, 2021
އިތުބާރު ނެތްކަމަށް ރައްޔިތުންގެ މަޖިލީހަށް ހުށައެޅުއްވި މައްސަލާގައި ވަނީ، ދޮގާއި މަކަރު އެކުލެވޭ، ޒާތީ އަދި ނަން ކިލަނބުކޮށްލުންކަމަށް މަލީހު އިއްޔެ މަޖިލީހުގައި ވަނީ ވިދާޅުވެފައެވެ. އޭނާ ވިދާޅުވީ، ޓެލެކޮމިއުނިކޭޝަން ޤާނޫނުގެ ދަށުން ހަދަންޖެހޭ ޤަވާއިދުތަކެއް ހަދާފައިނުވާކަމަށް މަޖިލީހުގެމެންބަރުން ތުހުމަތުކުރާއިރު، އެ ޤަވާއިދުތަކަކީ ރައީސް އިބްރާހީމް މުޙައްމަދު ޞާލިޙްގެ ވެރިކަމުގެ 2 އަހަރުގެ ތެރޭގައި ހަދާ ނިންމާފައިވާ ޤަވާއިދުތަކެއްކަމަށެވެ.
މަލީހު މަޤާމުން ދުރުކުރުމަށް ނެގި ވޯޓްގައި59 މެންބަރު ވޯތް ދެއްވާފައިވެއެވެ.
ކޮމެންޓު ފޮނުވާ