ޕާޓިގެ އެކްޓިވިސްޓުން މެދުވެރިކޮށް އަމިއްލަ އެޖެންޑާ ހިމާޔަތްކުރުމަށްވުރެ ބޮޑަށް ޤައުމުތަކާއެކު އޮންނަ ގުޅުން ވަރުގަދަ ކުރުމަށް އިޚްލާސްތެރިވުމަށް އެމްޑީޕީގެ ވެރިކަމުގެ ފުރަތަމަ ފިނޭންސް މިނިސްޓަރ ޑރ.އަޙްމަދު އިނާޒް ރައީސް ނަޝިދަށް ގޮވާލައްވައިފިއެވެ.
ރައީސް ނަޝީދަށް އިނާޒް މިކަމަށް ގޮވާލައްވާފައި މިވަނީ، ދުނިޔޭގެ އެހެން ޤައުމުތަކައި ރާއްޖެއިން ޚާރިޖީ ގުޅުންތައް ބަދަހި ކުރި ކަމުގައި ވީނަމަވެސް އެންމެ ފުރަތަމަ އަބަދުވެސް މިސަރުކާރުން އިސްކުރާނީ އިންޑިޔާކަަމަށް މަޖިލިސް ރައީސް ވިދާޅުވެފައިވަނިކޮށެވެ. އަދި އުތުރު ތިލަފަޅުގައި އިންޑިއާގެ އެހީގައި ކޯސްޓްގާޑުގެ ބަނދަރަކާއި ޑޮކްޔާޑެއް ތަރައްްޤީކުރުމަށް ވެފައިވާ އެއްބަސްވުމާއި ގުޅިގެން އެ އެއްބަސްވުމުގައި ހުރި މަޢުލުމާތުތައް ހާމަކުރުމަށް ގޮވާލާ މަޖިލީހަށް މައްސަލައެއް ހުށައަޅާފައިވަނިކޮށެވެ.
އެންމެ ބޮޑު ސިޔާސީ ޕާޓީ އަދި މަޖިލީހުގެ ރައީސްއަކަށް ހުންނެވި ބޭފުޅަކަށްވާއިރު، އެމަނިކުފާނުގެ ވަށައިގެންވާ ބޭފުޅުންގެ އިހްތިރާމާއި ލޯބި ސާބިތުކުރުމަށް އެމީހުންގެ ވާހަކަތައް އަޑުއަހައި އިޙްތިރާމް ކުރަންޖެހޭކަމަށްވެސް އިނާޒް ނަޝީދަށް ވިދާޅުވިއެވެ.
If you truly want to be respected by people you love, you must prove to them that you listen & respect them. Allow them to deliberate on issues such as our diplomatic relations, rather than defending your agenda using paid activist. Show us some sincerity pls. @MohamedNasheed
— Ahmed ĺnaz (@ahmedinaz1) February 22, 2021
ރައީސް ނަޝީދުގެ ފުރަތަމަ ފައިނޭންސް މިނިސްޓަރ މިހެން ވިދާޅުވެފައިވާއިރު، އިނާޒް މީގެ ކުރިންވެސް ވަނީ އެމްޑީޕީގެ ބައެއް އެކްޓިވިސްޓުން ފާޅުކުރި ޚިޔާލުތަކަށް ރައްދުދެއްވާފައެވެ. އެގޮތުން ރާއްޖޭގައި އިސްލާމީވަންތަ ސަގާފަތެއް ދިރުވައި ހަރުދަނާވެދާނެތީ ރައްޔިތުން ދީނާއި ދުރުކުރުމަށް ސިޔާސީ ބޮޑުންތަކެއް ރާވާ ހިތްވަރުދީ، ސިޔާސީ ނިވާފަތްގަނޑުގައި މަސައްކަތްކުރާތާ އަހަރުތަކެއް ވެފައިވާކަމަށާއި،. ބަނގުރާ ޢާންމު ކުރުމަށް މަސައްކަތްކުރި މީހުންގެ އަބުރު، ހާމަކަންބޮޑުކޮށް އެކްޓިވިސްޓުން އަދި މަޖިލިސް މެންބަރުންލައްވާ ސިޔާސީ ނަމުގައި ހުރިހާ ސިޔާސީ ޕާޓީތަކުންވެސް ނަގާލަމުންދަނީކަމަށް އިނާޒް ވިދާޅުވެފައިވެއެވެ.
ކޮމެންޓު ފޮނުވާ