ލިވަޕޫލްގެ މިޑްފިލްޑާ ނަބީ ކެޓާ ކޯވިޑަށް ޕޮޒިޓިވްވެއްޖެ

ލިވަޕޫލްގެ މިޑްފިލްޑާ ނަބީ ކެއިޓާ ކޯވިޑް-19 އަށް ޕޮޒިޓިވް ވެއްޖެއެވެ.

މިއީ ޗެންޕިއަން ލިވަޕޫލް އިން ކޯވިޑް-19 އަށް ޕޮޒިޓިވްވި4 ވަނަ ކުޅުންތެރިޔާއެވެ. ކެއިޓާ ކޯވިޑް19 އަށް ޕޮޒިޓިވް ވުމާއި ގުޅިގެން އޭނާ ވަނީ އެކަހެރިކޮށްފަ އެވެ. އަދި އަންނަ ހޮނިހިރު ދުވަހު އިގިރޭސި ލީގު އަވަށްޓެރި އެވަޓަންއާއި ދެކޮޅަށް ކުޅޭ މެޗްގައި އޭނާއަށް ނުކުޅެވޭނެ އެވެ.

ލިވަޕޫލް އިން މިހާތަނަށް ކޯވިޑް-19 އަށް ޕޮޒިޓިވް ވެފައިވަނީ ޓީމާއި މިސީޒަންގައި އަލަށް ގުޅުނު ތިއާގޯއާއި، ފޯވާޑް މާނޭއާއި ޝަގީރީ އެވެ. މީގެ ތެރެއިން ޝަގީރީ ވަނީ ކޯވިޑުގެ ދެވަނަ ޓެސްޓުން ނެގެޓިވްވުމުން ޤާއުމީ ޓީމު ރޭކުޅުނު މެޗުގައި ކުޅެފައެވެ.

ލިވަޕޫލް އެންމެ ފަހުން ލީގުގައި ކުޅުނު މެޗުން އެސްޓަން ވިލާ އިން ވަނީ ލަދުވެތިގޮތަކަށް 7-2 އިން ވަނީ ލިވަޕޫލް ވަނީ ބަލިވެފަ އެވެ. މިއީ އެންމެ ފަހުގެ ޗެމްޕިއަނެއް ކޮޅަށް ޕްރިމިއާ ލީގުގައި ހަތް ގޯލު ވަން ފުރަތަމަ ފަހަރެވެ. އަދި ލިވަޕޫލްގެ ކޯޗު ޔާގެން ކްލޮޕްގެ އިރުޝާދުގެ ދަށުން ކުޅޭ ޓީމެއް ބަލިވި އެންމެ ބޮޑު ނަތީޖާ އެވެ.