މާލޭގެ އިމާރާތެއްގެ 10 ވަނަ ފަންގިފިލާއިން އިއްޔެ ވެއްޓުނު ބިދޭސީ މީހާގެ ހާލު ވަރަށް ބޮޑަށް ސީރިއަސްވެ، އައިޖީއެމްއެޗްގައި ވެންޓިލޭޓަރުގެ އެހީގައި ފަރުވާދޭން ފަށައިފިއެވެ.
ފުލުހުން މައުލޫމާތު ދީފައިވާ ގޮތުގައި، މާފަންނު ސަބުދެލިމަގުގައި ހުރި ގެއެއްގެ މަތިން މީހަކު ވެއްޓުނުކަމުގެ ރިޕޯޓު އެ އިދާރާއަށް ލިބިފައިވަނީ އިއްޔެ އިރުއޮއްސި 18:20 ހާއިރުއެވެ. މި ހާދިސާގައި އަނިޔާވެފައިވަނީ އުމުރުން 30 އަހަރުގެ ބަންގްލަދޭޝް ފިރިހެނަކަށެވެ.
އެ މީހާ 10 ވަނަ ފަންގިފިލާއިން ވެއްޓިފައިވަނީ، އެ އިމާރާތާ ޖެހިގެން ހުރި ގޭގެ ފުރާޅު މައްޗަށެވެ. މި ހާދިސާ ހިނގަން މެދުވެރިވި ސަބަބު ދެނެގަތުމަށްޓަކައި ދިވެހި ފުލުހުންގެ ޚިދުމަތުން މިހާރު ދަނީ މި މައްސަލަ އިތުރަށް ތަހުގީގު ކުރަމުންނެވެ.
ކޮމެންޓު ފޮނުވާ