ހުޅުމާލޭގައި ހުންނަ އަމާން ދޯދި ފްލެޓެއް ބޮޑު އަގެއްގައި ކުއްޔަށް ދިނުމަށް ޓިކްޓޮކްގައި މަޝްހޫރު ޝެހެނާޒް މޫސާ އިޝްތިހާރު ކުރި މައްސަލައެއް ފަހި ދިރިއުޅުން ކޯޕަރޭޝަން (އެފްޑީސީ) އިން ބަލަން ފަށައިފިއެވެ.
ސޯޝަލް މީޑިއާގައި ދައުރުވަމުންދާ ޕޯސްޓުގައިވާ ގޮތުން، މަހަކު 23،000 ރުފިޔާއަށް ކުއްޔަށްދޭން އިއުލާނުކޮށްފައިވާ މި ފްލެޓުގައި ބަދިގޭގެ ކަބަޑުސެޓު ފިޔަވައި އިތުރު ފަރުނީޗަރެއް ނެތެވެ. މިކަމާ ގުޅޭގޮތުން މައުލޫމާތު ސާފުކުރުމަށް ގުޅި މީހަކު ވަނީ މިއީ އަމާން ދޯދި ފްލެޓެއްކަން ސޯޝަލް މީޑިއާގައި ކަށަވަރުކޮށްދީފައެވެ. އަދި އިޝްތިހާރުގައި ޖަހާފައިވާ ނަންބަރަކީ ޝެހެނާޒްގެ ގާތް އެކުވެރިއެއް ކަމަށްވާ މަރިޔަމް ރުހުޝާ ބޭނުންކުރާ ނަންބަރުކަމަށް ވަނީ މައުލޫމާތު ލިބިފައެވެ.
I was notified of this earlier today and I have already informed my team to look into this. FDC flats are NOT for sub leasing – violates lease agreement with tenant. @Fdc_mv will actively pursue those who are leasing and will fine up to MVR 50,000 and terminate the agreement with… https://t.co/5GdFYJjEGy
— Hamdhan Shakeel (@HamdhanShakeel) March 6, 2026
މި މައްސަލައާ ގުޅިގެން އެފްޑީސީގެ މެނޭޖިން ޑިރެކްޓަރު ހަމްދާން ޝަކީލް ވިދާޅުވީ، މިކަން އޭނާގެ ސަމާލުކަމަށް އައިސްފައިވާ ކަމަށާއި، މި މައްސަލަ ބެލުމަށް މިހާރު ޓީމަށް އަންގަވާފައިވާނެ ކަމަށެވެ. ހަމްދާން ފާހަގަކުރެއްވި ގޮތުގައި އެފްޑީސީގެ ފްލެޓްތަކަކީ ވިޔަފާރި އުސޫލުން އާމްދަނީ ހޯދަން ކުއްޔަށް ދޫކުރެވޭނެ ތަންތަނެއް ނޫނެވެ. އަދި އެގޮތަށް އަމަލުކުރުމަކީ ފްލެޓް ލިބުނު ފަރާތާއި ކުންފުންޏާ ދެމެދު ވެފައިވާ އެއްބަސްވުމާ ހިލާފުވުމެކެވެ.
މި އުސޫލާ ހިލާފުވެއްޖެނަމަ، އެތަން ކުއްޔަށްދޭ ފަރާތް 50،000 ރުފިޔާއިން ޖޫރިމަނާކޮށް، ފްލެޓްގެ ވެރިފަރާތާއެކު ވެފައިވާ އެއްބަސްވުން ވަގުތުން ބާތިލުކުރާނެ ކަމުގެ އިންޒާރު ހަމްދާން ވަނީ ދެއްވާފައެވެ. އޭނާ އިތުރަށް ވިދާޅުވީ، ސަރުކާރުގެ ބޯހިޔާވަހިކަމުގެ މަޝްރޫއުތަކުގެ ދަށުން ދޫކުރާ ފްލެޓްތައް މިފަދައިން ކުއްޔަށް ދިނުމަކީ އެ މަޝްރޫއުތަކުގެ އަސްލު މަގުސަދު ގެއްލި، ކޮންމެ ދިވެއްސެއްގެވެސް ހައްގު ނިގުޅައިގަތުން ކަމަށެވެ.
ކޮމެންޓު ފޮނުވާ