އާންމުކޮށް ހާބުރީގެ ނަމުން މަޝްހޫރުވެފައިވާ ލެޖެންޑަރީ ލަވަކިޔުންތެރިޔާ އިބްރާހީމް ރަޝީދުގެ ސިއްހީ ހާލަތު ދަށްވުމާ ގުޅިގެން މާލޭގެ އައިޖީއެމްއެޗްގައި އެޑްމިޓްކޮށްފިއެވެ.
އުމުރުން 79 އަހަރުގެ ރަޝީދު ގިނަ ދުވަސްތަކެއް ވަންދެން ބަލިކޮށް އުޅުމަށްފަހު، އިންދިރާ ގާނދީ މެމޯރިއަލް ހޮސްޕިޓަލް (އައިޖީއެމްއެޗް) ގައި އެޑްމިޓްކޮށްފައިވަނީ ހުކުރު ދުވަހުގެ ރޭގައެވެ.
މައުލޫމާތު ލިބިފައިވާ ގޮތުގައި އޭނާއަށް ފަރުވާދެމުންދަނީ ފުއްޕާމޭގައި ފެންހެދުމުގެ (ޕަލްމޮނަރީ އެޑީމާ) މައްސަލައަކަށެވެ.
އަމިއްލަވަންތަކަމާއި އުފެއްދުންތެރިކަމަށް މަޝްހޫރު ރަޝީދު ވަނީ ފަންސާހަކަށް އަހަރު ވަންދެން ރާއްޖޭގެ މިއުޒިކް އިންޑަސްޓްރީގައި ރަސްކަންކޮށްފައެވެ.
އޭނާ މަޝްހޫރުވެފައިވަނީ ތަފާތު ސްޓައިލަކަށް ލަވަކިޔުމުގެ އިތުރުން، އަމިއްލަ ރާގާއި ޅެން އުފެއްދުމަށެވެ. އަދި އޭނާއަކީ ސަގާފީ ބޮޑުބެރު ޖެހުމުގެ ހުނަރަށްވެސް ފާހަގަކޮށްލެވޭ ފަންނާނެކެވެ.
ކޮމެންޓު ފޮނުވާ