ރައީސުލްޖުމްހޫރިއްޔާގެ އޮފީހުގެ ތަރުޖަމާނަކަށް މުޙައްމަދު މަބްރޫކް އަޒީޒް ހަމަޖައްސަވައިފިއެވެ.
ރައީސް އޮފީހުގެ ތަރުޖަމާނަކަށް މިއަދާހަމައަށް ހުންނެވި އިބްރާހީމް ހޫދު ވަނީ އެކަން ކަށަވަރުކޮށްދެއްވާފަ އެވެ. މަބްރޫކް މި މަޤާމަށް ޢައްޔަންކުރައްވާފައި ވަނީ ވަޒީރުންގެ ނައިބުންގެ ފެންވަރުގައެވެ.
މަބްރޫކް މީގެ ކުރިން ހުންނެވީ ރައީސް އޮފީހުގެ ކޮމިއުނިކޭޝަން ޑިޕާޓްމަންޓްގެ އަންޑަރސެކްރެޓަރީގެ މަގާމުގައެވެ. އަދި ކޯވިޑް-19ގެ ހާލަތާގުޅިގެން އުފެއްދި އެމަޖެންސީ އޮޕަރޭޝަން ސެންޓަރގެ ސްޕޯކްސް ޕަރސަންގެ ގޮތުގައި ވެސް މަބްރޫކް ވަނީ ބުރަ މަސައްކަތްތަކެއް ކުރައްވާފައެވެ.
ރައިސް އޮފީހުގެ ތަރުޖަމާނުގެ ރަސްމީ އެކައުންޓުން ދާދި ދެންމެ ކުރެއްވި ޓްވީޓެއްގައި ވިދާޅުވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، އެމަގާމަށް މަބްރޫކް އައްޔަންކުރައްވާފައި ވަނީ ޖެނަވަރީ މަހުގެ1 ވަނަ ދުވަހުން ފެށިގެން ކަމަށެވެ.
Effective from 1 January 2021 President @ibusolih has appointed my colleague and friend @mabrouq as Spokesperson at @presidencymv.
— Mabrook Azeez (@MvSpokesperson) January 10, 2021
އަދި ރައީސް އޮފީހުގެ ތަރުޖަމާނުގެ ރަސްމީ ޓުވިޓަރ އެކައުންޓްގެ ނަންވެސް މިހާރު ވަނީ އިބްރާހީމް ހޫދުގެ ނަމުން މަބްރޫކް އަޒީޒްގެ ނަމަށް ބަދަލުކޮށްފައެވެ
ކޮމެންޓު ފޮނުވާ