އެމެރިކާއިން ވެނެޒުއޭލާގެ ވެރިރަށަށް ހަމަލާދީ، ރައީސް މަޑޫރޯ ހައްޔަރުކޮށް، ގައުމުން ބޭރަށް ގެންގޮސްފިއެވެ. މަޑުރޯއާއެކު އޭނާގެ އަނބިކަބަލުންވެސް ވަނީ އެގައުމުން ބޭރަށް ގެންގޮސްފައެވެ.
އެމެރިކާއިން ވެނެޒުއޭލާގެ ވެރިރަށަށް ހަމަލާދީ އެގައުމުގެ ރައީސް މަޑޫރޯ ހައްޔަރު ކޮށްފައިވާކަމަށް ބައިނަލްއަގުވާމީ މީޑިއާތަކުން ރިޕޯޓު ކޮށްފައިވާއިރު،، މަޑޫރޫ ހައްޔަރުކޮށް އޭނާ މިހާރު ވެނެޒުއޭލައިން ބޭރަށް ގެންގޮސްފައިވާކަން އެމެރިކާގެ ރައީސް ޑޮނަލްޑް ޓްރަމްޕްވަނީ އިއުލާން ކޮށްފައެވެ.
މަޑޫރޯ ހައްޔަރު ކުރިކަން ޓްރަމްޕް އިއުލާން ކުރުމުގެ ކުރިން ވެނެޒުއޭލާގެ ވެރިރަށުންވަނީ ބާރުގަދަ ގޮވުންތަކުގެ އަޑުތައް އިވިފައެވެ. އަދި އެއާއެކު ވެރިރަށް ކަރާކަސްގެ ބޮޑު ބަޔަކުން ކަރަންޓް ކެނޑިގެން ގޮސްފައިވާކަމަށް މީޑިއާތަކުން ރިޕޯޓު ކޮށްފައި ވެއެވެ.
މީގެކުރިން ޓްރަމްޕް ވަނީ ވެނެޒުއާލާއިން ހިންގަމުންދާ ޑްރަގް ޓްރެފިކިންގެ ނެޓްވާކްތަކާއި ދެކޮޅަށް ހަރުކަށި ފިޔަވަޅުތައް އެޅުމަށް އެގައުމުން ދަނީ ތައްޔާރު ވަމުންނެވެ. އަދި އެމެރިކާގެ އަސްކަރިއްޔާއިން ވަނީ ކަނޑުމަގުން އެމެރިކާއަށް މަސްތުވާތަކެތި އުފުލަމުން ދިޔަ އެތައް އުޅަނދަކަށް ބުނެ ވައިގެ ހަމަލާތަކެއް ދީފައެވެ.
އެމެރިކާއިން ފާއިތުވެދިޔަ ތަނުގައި ވަނީ މަޑޫރީ ހައްޔަރު ކުރެވޭނެފަދަ މައުލޫމާތު ފޯރުކޮށްދިން ފަރާތަކަށް 50 މިލިއަން ޑޮލަރުގެ ފައިސާގެ އިނާމުވެސް ހުށަހަޅާފައެވެ.
ފާއިތުވި ހަފްތާގައި ދިން އިންޓަވިއުއެއްގައި މަޑުރޯވަނީ ޑްރަގް ޓްރެފިކިންގެ މައްސަލާގައި އެމެރިކާއާއި ވާހަކަދައްކަވަން ތައްޔާރަށް ހުނެވިކަމަށް ވިދާޅުވެފައެވެ. އޭނާ ވިދާޅުވެފައިވަމީ އެމެރިކާއިން ބޭނުން ތަނެއްގައި، ބޭނުން ވަގުތެއްގައި މަޝްވަރާތައް ކުރިޔަށް ގެންދަވަން ތައްޔާރަށް ހުންނެވި ކަމަށެވެ.
ތަފްސީލް އަންނަނީ..
ކޮމެންޓު ފޮނުވާ