މާލެއާއި ހުޅުމާލެ ގުޅުވައިދޭ ހައިވޭއާ ޖެހިގެން ބައިނަލްއަގުވާމީ ފެންވަރުގެ ރޭސިން ޓްރެކެއް ތަރައްގީކުރުމުގެ މަޝްރޫއު މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އާ ހަވާލުކުރަން ނިންމާފައިވާ ކަމަށް ރައީސް ޑރ. މުހައްމަދު މުއިއްޒު އިއުލާނުކުރައްވައިފިއެވެ.
"ޔޫތު ކޮފީ ވިތު ޕްރެޒިޑެންޓް" ހަރަކާތުގައި ޒުވާނަކު ކުރި ސުވާލަކަށް ޖަވާބުދެއްވަމުން ރައީސް ވިދާޅުވީ، މީހުން ދިރިއުޅޭ ސަރަހައްދާ ދުރުގައި ޓްރެކް ގާއިމްކުރަން ނިންމީ އާންމުންނަށް ކުރިމަތިވެދާނެ އުނދަގޫތަކަށް ބައްލަވައިގެން ކަމަށެވެ. އެމްއޭސީއެލުން މި މަޝްރޫއުގެ މަސައްކަތް ވަރަށް އަވަހަށް ފަށާނެ ކަމަށް ވެސް އެމަނިކުފާނު ވިދާޅުވިއެވެ.
ރޭސިންއަކީ ގިނަ ޒުވާނުންގެ މެދުގައި މަގުބޫލު ކުޅިވަރަކަށް ވާތީ، މާލެއާއި އައްޑޫ އަދި އުތުރުގައި ބައިނަލްއަގުވާމީ ފެންވަރުގެ ރޭސިން ޓްރެކް ގާއިމްކުރުމަކީ ރައީސް މުއިއްޒުގެ ރިޔާސީ ވައުދެކެވެ. ކުރީ ސަރުކާރުން ތިލަފުށީގައި ރޭސިން ޓްރެކް އެޅުމަށް ނިންމައި ބިން ހަމަޖެއްސި ނަމަވެސް، އެ މަޝްރޫއު ކުރިއަށް ގެންގޮސްފައެއް ނުވެއެވެ.
ކޮމެންޓު ފޮނުވާ