ބޮޑު ޗުއްޓީއާ ދިމާކޮށް ކޮންމެ އަހަރަކު ވެސް ފުލުހުން ހިންގާ "ރިވެލި" އޮޕަރޭޝަން މާދަމާ ރޭ ފެށޭނެ ކަމަށް ދިވެހި ފުލުހުންގެ ޚިދުމަތުން ބުނެފިއެވެ.
މި އޮޕަރޭޝަނާ ބެހޭގޮތުން ނޫސްވެރިންނާ ވާހަކަދައްކަވަމުން އެސިސްޓެންޓް ކޮމިޝަނަރ އޮފް ޕޮލިސް ޢަބްދުﷲ ޝަރީފް ވިދާޅުވީ އަންނަ މަހުގެ ދެވަނަ ދުވަހާ ހަމައަށް މި އޮޕަރޭޝަން ކުރިއަށްދާނެ ކަމަށެވެ. މި އަހަރު މި އޮޕަރޭޝަންގެ ދާއިރާ ވަނީ ކުރިއަށްވުރެ ފުޅާކޮށްފައެވެ. އެގޮތުން މާލެ ސަރަހައްދުގެ އިތުރުން ކައިރި ރަށްތަކާއި ރިސޯޓުތަކުގައި ވެސް ފުލުހުން ހަރަކާތްތެރިވާނެއެވެ.
ޗުއްޓީ ދުވަސްވަރު ކުށްކުރުން އިތުރުވާކަން ފާހަގަކުރައްވައި ޝަރީފް ވިދާޅުވީ މި ދުވަސްވަރު މާލެ އާއި ހުޅުމާލެ އަދި ފަތުރުވެރިކަން ކުރާ ސަރަހައްދުތަކުގައި ފުލުހުންގެ ފޯރިމެރުން ވަރުގަދަކޮށް، އާންމުންގެ ސަލާމަތާއި ރައްކާތެރިކަން ކަށަވަރުކުރުމަށް ގިނަ މަސައްކަތްތަކެއް ކުރެވޭނެ ކަމަށެވެ.
ކޮމެންޓު ފޮނުވާ