ގަވާއިދާ ހިލާފަށް ދުންފަތުގެ ބާވަތްތައް ވިއްކަމުން ދިޔަ މާލޭގެ ދެ ވިޔަފާރި ތަނެއް ފުލުހުން ބަންދުކޮށްދީފިއެވެ. މިއީ އިގްތިސާދީ ތަރައްގީއާ ބެހޭ ވުޒާރާއި މޯލްޑިވްސް ފުޑް އެންޑް ޑްރަގް އޮތޯރިޓީއާ ފުލުހުންނާއި އިމިގްރޭޝަން އަދި ކަސްޓަމްސް ގުޅިގެން މިއަދު ހިންގި ހާއްސަ އޮޕަރޭޝަނުގައި ހިންގި ފިޔަވަޅެކެވެ.
މި އޮޕަރޭޝަނުގައި މާލޭގައި ވިޔަފާރި ކުރަމުން އަންނަ 10 ތަނެއް ބަލައިފާސްކޮށްފައިވާއިރު، ގަވާއިދާ ހިލާފަށް ސިގަރޭޓާއި ދުންފަތުގެ ބާވަތްތައް ވިއްކަމުން ދިޔަ ދެ ތަނެއް ބަންދުކުރި ކަމަށް ފުލުހުން ހާމަކުރެއެވެ. މީގެ އިތުރުން މައްސަލަތައް ރަނގަޅުކުރުމަށް އިތުރު އެއް ތަނަކަށް ނޯޓިސް ދީފައިވާއިރު، ބިދޭސީއަކު އިމިގްރޭޝަންގެ ބެލުމުގެ ދަށަށް ގެނެސްފައިވެއެވެ. ބަންދުކުރި ދެ ތަނުން ވެސް ދުންފަތުގެ ބާވަތްތައް ފެނިފައިވާ ކަމަށް ފުލުހުން ބުނެއެވެ.
ކޮމެންޓު ފޮނުވާ