އަންނަ އަހަރުގެ އެޕްރީލް މަހުގެ 4 ވަނަ ދުވަހު ބާއްވާ ލޯކަލް ކައުންސިލް އިންތިޚާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީގެ އިންތިޚާބު ބާއްވާނެކަން އިލެކްޝަންސް ކޮމިޝަނުން އިއުލާންކޮށްފައިވާއިރު، އެ އިންތިޚާބުގައި 226 ދާއިރާއަކުން މެންބަރުން ހޮވާއިރު، ވޯޓުލާ މަރުކަޒުތަކުގައި މަސައްކަތް ކުރުމަށް 7،000 އަށް ވުރެ ގިނަ އޮފިޝަލުން ބޭނުންވެއެވެ. އޮފިޝަލުންގެ ގޮތުގައި ކުރިމަތިލާން ބޭނުންވާ ފަރާތްތަކުން މި މަހުގެ 21 ގެ ކުރިން އީ-ފާސް މެދުވެރިކޮށް ހުށަހެޅުމަށް ކޮމިޝަނުން އެދެއެވެ. މީގެ އިތުރުން އެޗްއާރު، އެޑްމިން، މީޑިއާ، އައިޓީ އަދި ފައިނޭންސް ދާއިރާތަކުން ވެސް މުވައްޒަފުން ހޯދަމުންދާ ކަމަށް ކޮމިޝަނުން ބުނެއެވެ.
ސިޔާސީ ޕާޓީތަކުން މިހާރު އިންތިޚާބަށް ތައްޔާރުވެ، ޓިކެޓް ދޭނެ ކެންޑިޑޭޓުން ކަނޑައެޅުމުގެ މަސައްކަތް ފަށާފައިވެއެވެ. ލާމަރުކަޒީ ގާނޫނަށް ގެނައި އިސްލާހުގެ ދަށުން އަތޮޅު ކައުންސިލްތައް އުވާލަން ނިންމާފައިވާތީ، މި ފަހަރުގެ އިންތިޚާބުގައި އަތޮޅު ކައުންސިލް ރައީސުން އިންތިޚާބު ކުރުމެއް ނޯންނާނެއެވެ.
ކޮމެންޓު ފޮނުވާ