ހުޅުމާލޭގެ ހުސްބިންތަކާއި މަގުތަކުގައި ގަވާއިދާ ޚިލާފަށް ޕާކުކޮށްފައި ހުރި އުޅަނދުތައް ނެގުމުގެ ޚާއްސަ އޮޕަރޭޝަނެއް މި މަހުގެ 6 ވަނަ ދުވަހު ފެށުމަށް ދިވެހި ފުލުހުންގެ ޚިދުމަތުން ނިންމައިފިއެވެ.
ފުލުހުން ހާމަކުރެއްވި ގޮތުގައި، ޕާކިންގ ގަވާއިދާ ޚިލާފުވާ އުޅަނދުތަކުގެ އިތުރުން، ރަޖިސްޓްރީ ނުކޮށް ހުރި އުޅަނދުތަކާއި ހުޅުމާލޭގެ 'އޭ ޒޯން' ނޫން އެހެން ޒޯންތަކަށް ރަޖިސްޓްރީކޮށްފައިވާ އުޅަނދުތައް ވެސް ޓޯވކުރެވޭނެއެވެ. ޓޯވކުރެވޭ އުޅަނދުތަކަށް ލިބޭ އެއްވެސް ގެއްލުމަކަށް ފުލުހުން ޒިންމާ ނުވާނެ ކަމަށާއި، އެ އުޅަނދުތައް އަނބުރާ ގެންދިއުމުގެ ޒިންމާ އުފުލަންޖެހޭނީ ވެރިފަރާތުން ކަމަށް ވެސް ފުލުހުން ވިދާޅުވިއެވެ.
މި އޮޕަރޭޝަން ފެށުމުގެ ކުރިން، ޑިސެމްބަރު 5 ވަނަ ދުވަހުގެ ރޭ 23:30 ގެ ކުރިން ގަވާއިދާ ޚިލާފަށް ޕާކުކޮށްފައިވާ އުޅަނދުތައް ނެގުމަށް ފުލުހުން ވަނީ އިލްތިމާސްކުރައްވާފައެވެ.
ކޮމެންޓު ފޮނުވާ