ދެކުނު އިރުމަތީ އޭޝިއާއަށް މިހާރު ކުރަމުންދާ ގަދަ ވިއްސާރައަކީ މޫސުމީ ބަދަލުތަކުގެ ނުރައްކާ އިތުރުވަމުންދާކަމުގެ ހެއްކެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ސޯޝަލް މީޑިއާގައި ކުރެއްވި ޕޯސްޓެއްގައި ރައީސް ވިދާޅުވީ ތައިލެންޑާއި އިންޑޮނޭޝިއާ އަދި ވިއެޓްނާމަށް ލިބެމުންދާ ގެއްލުންތަކުގެ ހިތާމައިގައި ރާއްޖެއިން ބައިވެރިވާ ކަމަށެވެ. މި ވިއްސާރައިގައި އެންމެ ބޮޑު ގެއްލުމެއް ލިބުނީ ސްރީލަންކާއަށެވެ. ތޫފާން ދިތުވާގެ ސަބަބުން އެގައުމުގައި ފެންބޮޑުވެ ބިންގަނޑު ކަނޑައިގެން ދިއުމުގެ ހާދިސާތަކުގައި 56 މީހަކު މަރުވެ 21 މީހަކު ވަނީ ގެއްލިފައެވެ.
މީގެ އިތުރުން ހޮންކޮންގުގައި އިމާރާތްތަކެއްގައި ރޯވެ 100 އަށް ވުރެ ގިނަ މީހުން މަރުވި ހާދިސާއާ ގުޅިގެން ޗައިނާގެ ރައީސް ޝީ ޖިންޕިން އާއި މަރުވި މީހުންގެ އާއިލާތަކަށް ރައީސް ވަނީ ތައުޒިޔާ ފޮނުއްވައިފައެވެ.
ކޮމެންޓު ފޮނުވާ