އައްޑޫ ސިޓީއަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ކުރައްވަމުން ގެންދަވާ ދަތުރުފުޅުގެ ތެރެއިން، ހުޅުމީދޫގައި މޯލްޑިވްސް އިސްލާމިކް ބޭންކުގެ (އެމް.އައި.ބީ) އޭޓީއެމް ޚިދުމަތް ރަސްމީކޮށް ފަށްޓަވައިދެއްވައިފިއެވެ. ހުޅުދޫ އަދި މީދޫއަށް ރައީސް ކުރެއްވި ދަތުރުފުޅާ ގުޅިގެން ބޭއްވި ޚާއްސަ ރަސްމިއްޔާތުގައި، ރައީސް މުޢިއްޒު މި ޚިދުމަތް ރަސްމީކޮށް ލޯންޗުކުރެއްވުމާއެކު، ހުޅުމީދޫގެ ރައްޔިތުންނަށް އިސްލާމިކް ބޭންކިންގ ޚިދުމަތް ލިބޭނެ ފުރުޞަތު ފަހިވެގެންދިޔައެވެ.
މި ރަސްމިއްޔާތުގައި ސަރުކާރުގެ ވަޒީރުންނާއި ބޭންކް އޮފް މޯލްޑިވްސްގެ ޗެއާޕަރސަން އަޙްމަދު ޢަލީ ޙަބީބު، ސީއީއޯ މުޙައްމަދު ޝަރީފުގެ އިތުރުން ބީއެމްއެލްގެ އިސްވެރިން ބައިވެރިވެވަޑައިގެންނެވިއެވެ. ރާއްޖޭގެ އެކި ކަންކޮޅުތަކުގައި ބޭންކިންގ ޚިދުމަތްތައް ފުޅާކުރުމަށް ސަރުކާރާއި ބޭންކުން ކުރަމުންދާ މަސައްކަތްތަކުގެ ބައެއްގެ ގޮތުން މި އޭޓީއެމް ގާއިމުކުރެވުމުން، ހުޅުމީދޫގެ ރައްޔިތުންނަށް ފައިސާގެ މުޢާމަލާތްތައް އަވަސްކޮށް ފަސޭހައިން ކުރިއަށް ގެންދެވޭނެއެވެ.
ކޮމެންޓު ފޮނުވާ