ރައްޔިތުންގެ ހާލުއަހުވާލު ބެއްލެވުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ކުރައްވަމުން ގެންދަވާ ދަތުރުފުޅުތަކުގެ ތެރެއިން އަންނަ އަންގާރަ ދުވަހު އައްޑޫ ސިޓީއާއި ފުވައްމުލައް ސިޓީއަށް ވަޑައިގަންނަވާނެ އެވެ. މި ދަތުރުފުޅުގައި ރައީސް އެ ދެ ސިޓީގެ ކައުންސިލުތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތަކާ ބައްދަލުކުރައްވައި، ސިޓީތަކުގެ ތަރައްގީއަށް ބޭނުންވާ ކަންކަމާއި ރައްޔިތުންނަށް ދިމާވެފައިވާ ދަތިތަކާ ގުޅޭގޮތުން މަޝްވަރާކުރައްވާނެ އެވެ.
މި ދަތުރުފުޅަށް ގިނަ ބަޔަކު ސަމާލުކަން ދެނީ، ހުޅުދޫއާއި މީދޫގެ ރައްޔިތުން އައްޑޫ ސިޓީ ކައުންސިލުން ވަކިވެގެން ވަކި ކައުންސިލްތައް އުފެއްދުމަށް ފާސްކޮށްފައިވާއިރު ފޭދޫގެ ރައްޔިތުން ސިޓީ ކައުންސިލާއެކު ދެމިތިބުމަށް ނިންމާފައިވާތީ އެވެ. މި ދަތުރުފުޅަކީ ރާއްޖޭގެ ހުރިހާ ރަށަކަށް ވަޑައިގެން ރައްޔިތުންނާ ބައްދަލުކުރައްވަން ރައީސް ކުރައްވަމުން ގެންދަވާ މަސައްކަތްޕުޅުގެ ބައެކެވެ.
ކޮމެންޓު ފޮނުވާ