އިންޔާގައި ނުރައްކާތެރި ކެމިކަލް ހިމެނޭ ބޭހެއް ބޭނުންކުރުމުގެ ސަބަބުން ކުޑަކުދިންތަކެއް މަރުވި މައްސަލައާ ގުޅިގެން، އެ ބޭސް ރާއްޖެ އެތެރެކޮށްފައި ނުވާކަން މޯލްޑިވްސް ފުޑް އެންޑް ޑްރަގް އޮތޯރިޓީން މިއަދު ކަށަވަރުކޮށްފިއެވެ.
މަދުޔަ ޕްރަދޭޝްގައި އުމުރުން ފަސް އަހަރުން ދަށުގެ 17 ކުއްޖަކު މަރުވާން މެދުވެރިވި އެ ބޭހުގައި، ކެމިކަލް ހުންނަން ޖެހޭ ވަރަށްވުރެ 500 ގުނަ އިތުރަށް ވިހަ މާއްދާ ހުރިކަން ފާހަގަވެފައިވެއެވެ. ސައުތު އީސްޓް އޭޝިއަން ރީޖަން ނެޓްވޯކުން އެ ބޭސް ބޭނުންކުރުމާއި ވިއްކުމަށް އެލާޓް ކޮށްފައިވާއިރު، އެ ބޭސް އުފެއްދި އިންޑިއާގެ ތިން ކުންފުންޏަކީ އެމްއެފްޑީއޭއިން ހުއްދަ ދީފައިވާ ކުންފުނިތަކެއް ނޫންކަން އެ އިދާރާއިން ވަނީ ފާހަގަކޮށްފައެވެ.
އިންޑިއާއަކީ ބޭސް ފަރުވާއަށް ގިނަ ދިވެހިން އާންމުކޮށް ގޮސް އުޅޭ ގައުމަކަށް ވާތީ، އެތަނުން ބޭސް ގަތުމުގައި ސަމާލުވުމަށް އެމްއެފްޑީއޭއިން ވަނީ އިލްތިމާސްކޮށްފައެވެ. ރާއްޖެ އެތެރެކުރާ ހުރިހާ ބޭހެއްގެ، ޚާއްސަކޮށް ކުޑަކުދިންނަށް ދޭ ބޭސްތަކުގެ ރައްކާތެރިކަން ކަށަވަރުކުރަން ލެބޯޓްރީ ތަހުލީލުތަކުން ޑީއީޖީ އަދި އީޖީ ނުހިމެނޭކަން ޗެކްކުރާކަން އެ އިދާރާއިން ހާމަކުރެއެވެ.
މި މައްސަލައާ ގުޅިގެން ބޭސް އުފެއްދި ކުންފުނީގެ ވެރިޔާ އެސް.ރަންގަނާތަން އަދި ބޭސް ލިޔެދިން ޑޮކްޓަރު ވަނީ ހައްޔަރުކޮށްފައެވެ.
ކޮމެންޓު ފޮނުވާ