ނަހަމަ ގޮތުގައި ކުޑަކުދިންތަކެއްގެ ބޭނުންކުރި ކަމުގެ ތުހުމަތުގައި މަޝްހޫރު ޕްރެޒެންޓަރު ނާފިއު ރަޝީދާއި އިތުރު ތިން މީހަކު އިއްޔެ ހެނދުނު ހައްޔަރުކޮށްފައިވާ ކަމަށް ފުލުހުން މިއަދު ބުނެފިއެވެ. ދައުލަތުގެ މީޑިއާތަކުން ފެށިގެން ފަންނީ އިވެންޓުތަކުގައި ވެސް މަސައްކަތްކޮށްފައިވާ 39 އަހަރުގެ ނާފިއު ހައްޔަރުކުރީ ހެންވޭރުގައި ހުންނަ އެޕާޓްމަންޓެއް ބަލައިފާސްކުރުމަށްފަހުގައެވެ. އެތަނުން މަސްތުވާތަކެތި ކަމަށް ޝައްކުކުރެވޭ ޕެކެޓެއް ފެނިފައިވާ ކަމަށް ފުލުހުން ބުންޏެވެ.
އެ މައްސަލާގައި ހައްޔަރުކުރި ހަތަރު މީހުންނަކީ ނާފިއުގެ އިތުރުން އަލީ އަޝްރަފް، 35، ލުހާން ސައީދު، 41، އަދި އިބްރާހިމް ޝިނާން އަހްމަދު، 33، އެވެ. ހައްޔަރުކުރި މީހުންގެ ކުޑަކަމުދާތަކެތީގެ ވަގުތީ ނަތީޖާ ދައްކާ ގޮތުން އެ އެންމެން ވެސް މަސްތުވާތަކެއްޗަށް ޕޮޒިޓިވް ކަމަށް ފުލުހުން ހާމަކުރިއެވެ. އެ މައްސަލާގައި އަނިޔާލިބުނު ކުޑަކުދިންގެ ތެރޭގައި 16 އަދި 17 އަހަރުގެ ދެ އަންހެން ކުއްޖަކާއި ދެ ފިރިހެން ކުއްޖަކު ހިމެނެ އެވެ.
ތަހުގީގުކުރަމުން އަންނަ މި މައްސަލާގައި ތުހުމަތުކުރެވޭ ހަތަރު މީހުން ކޯޓަށް ހާޒިރުކުރުމުން ތިން ދުވަހަށް ބަންދުކުރުމަށް އަމުރުކޮށްފައިވާ ކަމަށް ފުލުހުން ބުންޏެވެ.
ކޮމެންޓު ފޮނުވާ