މާލޭގެ އަސްރުމާ ގޯޅީގައި މިރޭ ހިނގި ބިދޭސީންގެ މާރާމާރީއެއްގައި އެކަކަށް ސީރިއަސް އަނިޔާވެއްޖެއެވެ. މިރޭ 19:11 ހާއިރު ހިނގި މި ހާދިސާގައި، ދެ ބިދޭސީއެއްގެ މެދުގައި ހިނގި ހަމަލާއެއްގައި އެކަކުގެ ބޯ ފަޅާލައިފައިވާ ކަމަށް ފުލުހުން މައުލޫމާތު ދީފައި ވެއެވެ.
މި މާރާމާރީގައި އަނިޔާވި މީހާއަށް މިހާރު ހޮސްޕިޓަލުގައި ފަރުވާދެމުން އަންނަ ކަމަށާއި، މި ހާދިސާއާ ގުޅިގެން ދެ މީހަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށްވެސް ފުލުހުން ވިދާޅުވެއެވެ. މި މައްސަލައާ ގުޅޭ އިތުރު ތަފްސީލްތައް ހޯދުމަށް ފުލުހުން ތަހުގީގު ކުރަމުންދާ ކަމަށްވެސް ފުލުހުން ބުނެއެވެ.
ބިދޭސީންގެ މެދުގައި މި ފަދަ ހަމަލާތައް ހިނގާ މައްސަލަތައް މާލޭގައި ވަރަށް ގިނައިން ރިޕޯޓުވަމުން އަންނަކަން ފާހަގަ ކޮށްލެވެއެވެ.
ކޮމެންޓު ފޮނުވާ