އެމްޑީޕީން މާލޭގައި ބޮޑު އެއްވުމެއް ބޭއްވުމަށް ތައްޔާރުވަމުން ދަނިކޮށް އިއްޔެ ފުލުހުންގެ މާލޭ ސަރަހައްދުގެ ކޮމާންޑަރު ކުއްލި ގޮތަކަށް ބަދަލުކޮށްފިއެވެ. މާލޭ ސަރަހައްދުގެ އާ ކޮމާންޑަރަކަށް އެސިސްޓެންޓް ކޮމިޝަނަރު އަބްދުﷲ ޝަރީފް ހަމަޖައްސައިފައިވާ ކަމަށް ވަނީ އެނގިފައެވެ.
މާލޭ ސަރަހައްދުގެ ކޮމާންޑަރުގެ މަގާމުގައި އެންމެ ފަހުން ހުންނެވީ އެސިސްޓެންޓް ކޮމިޝަނަރު އާސިމް އަބްދުﷲ އެވެ. އޭނާގެ ބަދަލުގައި އަބްދުﷲ ޝަރީފް މި މަގާމަށް ހަމަޖެއްސީ އިއްޔެގެ ވަގުތެއްގައި ކަމަށް މައުލޫމާތު ލިބެއެވެ. ޝަރީފު މިއަށްވުރެ ކުރިން ހުންނެވީ ފުލުހުންގެ ސެންޓްރަލް އިންވެސްޓިގޭޝަން ކޮމާންޑްގެ ހެޑްގެ މަގާމުގައެވެ.
މާލޭ ސަރަހައްދުގެ ކޮމާންޑަރު ބަދަލުކުރުމާ ގުޅިގެން އެމްޑީޕީން ނެރުނު ބަޔާނެއްގައި ބުނީ މި ފިޔަވަޅަކީ ފުލުހުންގެ މުއައްސަސާއަށް ސަރުކާރުން އަތްބާނާ ސިޔާސީ ނުފޫޒު ފޯރުވާ މިންވަރު އަންގައިދޭ ކަމެއް ކަމަށެވެ. މި ބަދަލު ހިނގި ގޮތުން ފުލުހުންގެ މުއައްސަސާ އިސްތިގުލާލުވެރިކަމާ މެދު ސުވާލު އުފެދިފައިވާ ކަމަށް އެމްޑީޕީން ފާހަގަކުރެއެވެ.
ކޮމެންޓު ފޮނުވާ