ޅ. ނައިފަރުން ގެއްލިގެން ފުލުހުން ހޯދަމުންދިޔަ 15 އަހަރުގެ ކުދިން މިރޭ ސަލާމަތުން ފެނިފައިވާކަމަށް ފުލުހުން ހާމަކޮށްފިއެވެ.
ފުލުހުންގެ ޚިދުމަތުން ބުނީ، ޅ. ނައިފަރު، ސީނިޔާގެ، ޚަދީޖަތު މައިސަރާ އަބޫބަކުރު ފައިސަލް (15އ) މިރޭގެ ވަގުތެއްގައި ނައިފަރު މަގުމަތިން ފުލުހުންނަށް ފެނިފައިވާކަމަށެވެ. އެ ކުދިންގެ ޞިއްޙީ ހާލަތު ރަނގަޅުކަމަށްވެސް ފުލުހުން ވަނީ ހާމަކޮށްފައެވެ.
މިއަދު މެންދުރު ފުލުހުން ހާމަކުރި މަޢުލޫމާތު ދައްކާގޮތުން، އެ ކުދިން ނައިފަރުގައި ދިރިއުޅޭ ގެއިން ނުކުމެގެން ގޮސްފައިވާއިރު، އާއިލާއަށް އެކަމުގެ ޚަބަރެއް ނުވުމުން ގެއްލިފައިވާކަމަށް ރިޕޯޓުކޮށްފައިވަނީ މިއަދެވެ. އެ ރިޕޯޓާ ގުޅިގެން ފުލުހުން ވަނީ އެ ކުދިން ހޯދުމުގެ ފުޅާދާއިރާއެއްގައި މަސައްކަތް ފަށާފައެވެ.
އެ ކުދިން ސަލާމަތުން ފެނުމުން، އާއިލާއާ ހަވާލުކުރުމުގެ މަސައްކަތް ފުލުހުން ކުރިއަށް ގެންދާނެކަމަށް ވަނީ ހާމަކޮށްފައެވެ. މި މައްސަލައާ ގުޅޭގޮތުން އިތުރު ތަފްޞީލެއް ފުލުހުން ހާމަކޮށްފައެއް ނުވެއެވެ.
ކޮމެންޓު ފޮނުވާ