ހޮނިހިރު ދުވަހު އެމެރިކާއިން އިރާނަށް ދިން ހަމަލާއާ ބެހޭ ގޮތުން އެމެރިކާގެ ދިފާއީ އިދާރާ ޕެންޓަގަންގެ ފުރަތަމަ އިންޓެލިޖެންސް އެސެސްމެންޓެއް ނެރުނުއިރު، ނިއުކްލިއަރ ޕްރޮގްރާމް "ފުނޑުފުނޑުކޮށްލައިފި" ކަމަށް ޓަރަމްޕްގެ ސަރުކާރުން ބުނާ ވާހަކަތަކަށް ޝައްކު އުފެދިއްޖެއެވެ.
އެމެރިކާއިން އިރާނުގެ ތިން ނިއުކްލިއަރ ފެސިލިޓީއަކަށް – ފޯޑޯ، ނަޓާންޒް އަދި އިސްފަހާން – ހަމަލާދިނީ "ބަންކަރ ބަސްޓަރ" ބޮން ބޭނުންކޮށްގެންނެވެ. މި ބޮންތަކަކީ ގޮވުމުގެ ކުރިން 18 މީޓަރު (60 ފޫޓު) ކޮންކްރީޓް ނުވަތަ 61 މީޓަރު (200 ފޫޓު) ބިމަށް ތޮރުފާލުމަށްފަހު ވަދެވޭ ބޮންތަކެކެވެ.
އެހެންނަމަވެސް އެސެސްމެންޓާ ބެހޭ މަޢުލޫމާތު ލިބިފައިވާ ސޯސްތަކުން ބުނާ ގޮތުގައި އިރާނުގެ ސެންޓްރިފިއުޖްތައް ބޮޑު ބައެއް "ރަނގަޅަށް" އޮތް ކަމަށާއި، އަސަރު ކޮށްފައިވަނީ ހަމައެކަނި ބިމުގެ މަތީގައި ހުރި އިމާރާތްތަކަށް ކަމަށެވެ.
ދެ ނިއުކްލިއަރ ފެސިލިޓީގެ ވަދެ ނުކުމެ ދޮރުތައް ބަންދުކުރެވި، ބައެއް އިންފްރާސްޓްރަކްޗަރ ނައްތާލެވި ނުވަތަ ގެއްލުން ލިބުނު ނަމަވެސް، ބިމުގެ ފުނުގައި ހުރި ފެސިލިޓީތަކުގެ ބޮޑު ބައެއް ރަނގަޅަށް ހުރިކަމަށް އެމެރިކާގެ ޖާސޫސީ އިދާރާތަކުން ހަދާފައިވާ އެސެސްމަންޓްތަކުގައި ބުނެފައި ވެއެވެ.
ނަން ހާމަކުރަން ބޭނުންނުވާ ސޯސްތަކުން އެމެރިކާގެ މީޑިއާތަކަށް މައުލޫމާތު ދީފައިވާ ގޮތުގައި، މި ހަމަލާގެ ސަބަބުން އިރާންގެ ނިއުކުލިއަރ ޕްރޮގްރަމް ފަހަތަށް ޖެހުނީ "ގިނަވެގެން މަދު މަސްތަކެއް" ކަމަށާއި، ނިއުކްލިއަރ ޕްރޮގްރާމް އަލުން ފެށުމަށް އިރާނަށް ބޭނުންވަނީ ކޮނުމާއި މަރާމާތު ކުރުމަށް ހޭދަވާ ވަގުތަށް ކަމަށް އަންދާޒާ ކުރެވޭ ކަމަށެވެ.
ސޯސްތަކުން ސީބީއެސްއަށް ކަށަވަރު ކޮށްދީފައިވާ ގޮތުގައި، އިންޓެލިޖެންސް އެސެސްމެންޓްގައި ބުނާ ގޮތުން، ހަމަލާތަކުގެ ކުރިން އިރާނުގެ އެންރިޗްޑް ޔުރޭނިއަމް ސްޓޮކްޕައިލްގެ ބައެއް އެހެންތަނަކަށް ބަދަލުކޮށްފައިވެއެވެ.
ކޮމެންޓު ފޮނުވާ