ޝައްވާލް މަހުގެ ފުރަތަމަ 7 ދުވަހަށް އިމިގްރޭޝަންގެ ޚިދުމަތްތަކުގެ ގަޑިތައް އާންމުކޮށްފިއެވެ. އިމިގްރޭޝަނުން އެކްސްގައި ޕޯސްޓްކުރި ގޮތުގައި، ޕާސްޕޯޓަށް އެދި އިމުގާ ޕޯޓަލް މެދުވެރިކޮށް 24 ގަޑިއިރު ހުށަހެޅޭނެއެވެ. ނަމަވެސް އިމިގްރޭޝަނަށް ހާޒިރުވެ އޮންލައިންކޮށް ޕާސްޕޯޓަށް އެދެވޭނީ ހެނދުނު 9:15 އިން މެންދުރު 12:00 އަށެވެ. މިގޮތަށް ހުށަހެޅޭނީ މާލޭ އޮފީހުން އުމުރުން 65 އަހަރުން މަތީގެ މީހުންނަށާއި އެހެނިހެން ޚާއްސަ ހާލަތްތަކުގައި އެކަންޏެވެ.

ޕާސްޕޯޓާއި ހަވާލުވުމަށް ނަންބަރު ދޫކުރުން ކުރިއަށްދާނީ ހެނދުނު 9:15 އިން މެންދުރު 12:00 އަށް ކިއުބީ މެދުވެރިކޮށެވެ. މެޑިކަލު އެމަރޖެންސީއެއް ދިމާވެއްޖެނަމަ 9555333 ނަންބަރަށް ގުޅުމަށް އިމިގްރޭޝަނުން އެދިފައިވެއެވެ. މީގެއިތުރުން، ވިސާގެ ޚިދުމަތްތަކާ ގުޅޭގޮތުން ޝައްވާލް މަހުގެ ފުރަތަމަ 7 ދުވަހުގައި އެމަރޖެންސީއެއް ދިމާވެއްޖެނަމަ 9199153 ނަންބަރަށް ގުޅުމަށްވެސް އަންގާފައިވެއެވެ.

އިމިގްރޭޝަންގެ އެންފޯސްމަންޓް އެންޑް ކޮމްޕަލަޔަންސް ޑިވިޝަންގެ ޚިދުމަތްތައް މި 7 ދުވަހުގެ ތެރެއިން ހުކުރު ފިޔަވައި އެހެން ދުވަސްތަކުގައި ހެނދުނު 9:00 އިން މެންދުރު 1:00 އަށް ލިބެން ހުންނާނެއެވެ. އަދި ސީޕޯޓްގެ ޚިދުމަތް ހުކުރު ފިޔަވައި އެހެން ދުވަސްތަކުގައި ހެނދުނު 8:00 އިން ހަވީރު 5:00 އަށް އަދި ރޭގަނޑު 9:30 އިން 12:00 އަށް ލިބޭނެއެވެ. ހުކުރު ދުވަހު ސީޕޯޓްގެ ޚިދުމަތް ލިބޭނީ މެންދުރު 2:30 އިން ހަވީރު 5:00 އަށް އަދި ރޭގަނޑު 9:30 އިން 12:00 އަށެވެ.