އިސްލާމީ ކަންތައްތަކާ ބެހޭ ވުޒާރާއިން އިޢުލާން ކުރެއްވި ގޮތުގައި، މިއަހަރުގެ ރަމަޟާން މަހުގައިވެސް ކުރީ އަހަރުތަކެކޭ އެއްފަދައިން ގިނަ ޙަރަކާތްތައް ކުރިއަށް ގެންދިއުމަށް ވަނީ ރޭވިފައެވެ.
މި ޕްރޮގްރާމްތަކުގެ މައިގަނޑު މަޤްޞަދަކީ ދިވެހި ރައްޔިތުންގެ މެދުގައި އިސްލާމްދީނުގެ ޝިޢާރު ފާޅުކޮށް، ރޯދަ މަހާ ގުޅިގެން އަޅުކަމަށް އިތުރު ޝައުޤުވެރިކަން އުފެއްދުމާއި، އިސްލާމްދީނުގެ ޞައްޙα މަޢުލޫމާތު ފޯރުކޮށްދިނުމެވެ.
މިގޮތުން، ރަމަޟާން މަހަށް މަރުޙαބާ ކިޔުމުގެ ގޮތުން "މައިންޑްފުލް ރަމަޟާން" ވޯކްޝޮޕާއި، މާލޭ އާޓިފިޝަލް ބީޗުގައި "މަރުޙαބާ ރަމަޟާން" ދަރުސް ބޭއްވުމަށް ވަނީ ހަމαޖެހިފައެވެ. އަދި ރަމަޟާން މަހުގެ ތެރޭގައި މާލޭގައި 8 އިޙްޔާ ފޯރަމާއި، 7 ސިޓީ/ރަށެއްގައި އިޙްޔާ ފޯރަމް ބޭއްވުމަށްވެސް ވަނީ ނިންމާފައެވެ. މި ރަށްތައް ހޮވިފައިވަނީ ކައުންސިލްތަކުން ހުށަހެޅި ޕްރޮޕޯސަލްތަކުގެ ތެރެއިން އެންމެ ރަނގαޅު ޕްރޮޕޯސަލްތަކަށް ބިނާކޮށެވެ.
މީގެއިތުރުން، ސްކޫލް ދަރިވަރުންނަށް އަމާޒުކޮށްގެން 6 އިޙްޔާ ފޯރަމް ބޭއްވުމަށް ހަމαޖެހިފައިވާއިރު، ރަމަޟާން މަހުގެ ކޮންމެ ހޮނިހިރު ދުވަހަކު މާލޭގައި އައުޓްރީޗް ޕްރޮގްރާމްތައް ހިންގުމަށްވެސް ވަނީ ނިންމާފައެވެ. މި ޕްރޮގްރާމްތަކުގައި ކުޑަކުދިންނަށް އަމާޒުކޮށްގެން ކުޅިވަރު ޙαރަކާތްތަކާއި، ދީނީ ކައުންސެލިންގ އަދި މުސްޙަފާއި ދީނީ ފޮތްތަކުގެ ސްޓޯލްތައް ހިމެނޭނެއެވެ. އަދި ކޮންމެ ދުވަހެއްގެ އަޞުރު ނަމާދަށްފަހު މާލޭ ސަރަޙައްދުގައި އަޞުރު ދަރުސް ކުރިއަށް ގެންދިއުމަށްވެސް ވަނީ ހަމαޖެހިފައެވެ.
