ރައްޔިތުންގެ މަޖިލީހުގައި ރައީސް ޑރ. މުހައްމަދު މުއިއްޒު މާދަމާ ދެއްވާ ރިޔާސީ ބަޔާނާ ގުޅިގެން ޖުމްހޫރީ މައިދާނާއި މަޖީދިއްޔާ ސްކޫލާ ދެމެދުގެ މަގުތައް ވަގުތީގޮތުން ބަންދުކުރުމަށް ފުލުހުން ނިންމާއިފިއެވެ.
ފުލުހުންގެ އިއުލާނުގައިވާ ގޮތުން މަގުތައް ބަންދުކުރެވޭނީ މާދަމާ ހެނދުނު 7:00 އިން ފެށިގެން މަޖިލީހުގެ ޖަލްސާ ނިމެންދެނެވެ. މަޖިލީހުގެ މި އަހަރުގެ ފުރަތަމަ ދައުރުގެ ޖަލްސާތައް ފެށުމުގެ ގޮތުން މާދަމާ ހެނދުނު 9:00 ގައި ބޭއްވޭ ޖަލްސާގައި ރައީސް މުއިއްޒު ރިޔާސީ ބަޔާން އިއްވަވައިދެއްވުމަށް ވަނީ ހަމަޖެހިފައެވެ.
މިއީ އެމަނިކުފާނު ވެރިކަމާ ހަވާލުވެ ވަޑައިގަތުމަށްފަހު ދެއްވާ ދެވަނަ ރިޔާސީ ބަޔާނެވެ.
