ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެސްޓޯނިއާއަށް ކުރެއްވި ތާރީޚީ ދަތުރުފުޅު ނިންމަވައި މިރޭ މާލެ ވަޑައިގެންފިއެވެ. ރާއްޖޭގެ ރައީސަކު އެސްޓޯނިއާއަށް ކުރައްވާ ފުރަތަމަ ރަސްމީ ދަތުރުފުޅުގެ ގޮތުގައި އެމަނިކުފާނު އެސްޓޯނިއާއަށް ވަޑައިގަތީ މިދިޔަ އާދީއްތަ ހޯމަ ދުވަހުއެވެ.
އެސްޓޯނިއާގެ ރައީސް ޑރ. އަލާރް ކާރިސްގެ ދަޢުވަތަކަށް ކުރެއްވި މި ދަތުރުފުޅުގައި ދެ ޤައުމުގެ ދެމެދުގައި އޮތް ގުޅުން ބަދަހިކުރުމާއެކު، ޑިޖިޓަލް، ސައިބަރ އަދި އީ-ގަވަރނަންސް ދާއިރާއިން އަދި މޫސުމާއި ތިމާވެށީގެ މައްސަލަތަކާ ގުޅޭގޮތުން ފުޅާ ދާއިރާއެއްގައި މަޝްވަރާކުރެވުނެވެ.
ރައީސް ޑރ. މުޢިއްޒު ވިދާޅުވިގޮތުގައި މި ދަތުރުފުޅުގައި އުފެއްދުންތެރި ގިނަ ބައްދަލުވުންތަކެއް ބޭއްވި، ޑިޖިޓަލައިޒޭޝަނާއި، ތިމާވެށްޓާއި، އަދި ސިޔާސީ އެކި ދާއިރާތަކާ ގުޅޭ އެއްބަސްވުންތަކެއްގައި ސޮއިކުރެވުނެވެ.
ގޮތުގައި އެސްޓޯނިއާއަކީ ޑިޖިޓަލް ރޭންކިންގއަށް ބަލާއިރު ބޮޑެތި ކުރިއެރުންތަކެއް ހޯދާފައިވާ، އަދި ޓެކްނޮލޮޖީގެ ގޮތުން ޔޫރަޕްގައި އެންމެ ކުރިއަރާފައިވާ އެއް ޤައުމެވެ.
