ވެރިކަންކުރާ ޕާޓީ، ޕީއެންސީގެ އެންމެ އިސް އިދާރީ މަގާމު ކަމުގައިވާ ސެކްރެޓަރީ ޖެނެރަލްގެ މަގާމު މިވަގުތު ހުސްވެފައިވާކަން ހާމަވެއްޖެއެވެ.
މި މަގާމުގައި ކުރިން ހުންނެވި ލޯކަލް ގަވަމަންޓް މިނިސްޓަރު އާދަމް ޝަރީފްގެ އަނބިކަނބަލުން، ޒީނާޒު އަދުނާނުގެ ދައުރު ނިމުމަކަށް އައީ މިދިޔަ މަހުގެ 31 ވަނަ ދުވަހުއެވެ. އޭގެ ފަހުން މިއަދާ ހަމައަށް އައިއިރުވެސް، ގާތްގަނޑަކަށް 13 ދުވަސް ވަންދެން މި މަގާމަށް އެހެން ފަރާތެއް އައްޔަންކޮށްފައެއް ނުވެއެވެ.
ޕީއެންސީގެ ސެކެޓްރީ ޖެނަރަލްގެ މަގާމް ހުސްވެފައިވާއިރު، އެޕާޓީއަށް މީހުން ވެއްދުމަށް ސައްޙަ ނޫން ފޯމުތައް އީސީއަށް ހުށަހަޅާކަމަށް ބައެއް ފަރާތްތަކުން ޝައްކު ކުރަމުން ދެއެވެ.
މި މައްސަލަ މި ފާހަގަކުރެވުނީ ވައިކަރަދޫ ދާއިރާގެ އެމްޑީޕީ މެންބަރު ހުސައިން ޒިޔާދު (ފިއްޓެ) އާއި ކުރީގެ ހެރިޓޭޖް މިނިސްޓްރީގެ ސްޓޭޓް މިނިސްޓަރު އަދި މަނަދޫ ދާއިރާގެ ކުރީގެ މެންބަރު މުހައްމަދު ތޯރިގު ޕީއެންސީއަށް ވެއްދުމުގެ މައްސަލައެއް އާންމުވުމާ ގުޅިގެންނެވެ. މި މައްސަލައާ ގުޅޭގޮތުން ޕީއެންސީން އަދި ވަނީ ރަސްމީ އެއްވެސް ބަޔާނެއް ނެރެފައެއް ނުވެއެވެ. އެހެންނަމަވެސް އެޕާޓީގެ އިސް ފަރާތްތަކުން މި ތުހުމަތުތައް ދިގު ކޮށްފައި ވެއެވެ.
