މޯލްޑިވްސް މަނިޓަރީ އޮތޯރިޓީ (އެމްއެމްއޭ)އިން "އިގުތިސާދީ ދިރާސާތައް ފުޅާކުރުން: ދެމެހެއްޓެނެވި މުސްތަގުބަލަކަށް ސިޔާސަތާއި އީޖާދުކުރުން" މި ޝިއާރުގެ ދަށުން ބާއްވާ ރިސާޗް ކޮންފަރެންސެއް މިއަދު ފަށައިފިއެވެ.
މި ކޮންފަރެންސްގައި އެމްއެމްއޭގެ ގަވަރުނަރު އަހުމަދު މުނައްވަރު ދެއްވި ކީނޯޓް ސްޕީޗްގެ އިތުރުން، އިންޑިއާ ރިޒާވް ބޭންކުގެ ޑެޕިއުޓީ ގަވަރުނަރު ޑރ. މިކައިލް ޑެބަބްރަޓާ ޕަޓްރާ އާއި ގައުމީ ޔުނިވަރސިޓީގެ ޗާންސެލަރު ޑރ. މަހުމޫދު ޝައުގީވެސް ވާހަކަފުޅު ދެއްކެވިއެވެ. ކޮންފަރެންސްގައި ރާއްޖޭގެ އިގުތިސާދަށް ހުރި ގޮންޖެހުންތަކާއި ކުރިއަށް ހުރި އިގުތިސާދީ ފުރުސަތުތަކާ ގުޅޭގޮތުން މަޝްވަރާކުރެވުނެވެ.
ކޮންފަރެންސްގެ ތެރޭގައި ތަފާތު ދާއިރާތަކުން ތައްޔާރުކޮށްފައިވާ ދިރާސާ ކަރުދާސްތައް ހުށަހެޅުމާއި، ޕެނަލް ޑިސްކަޝަންތައް ކުރިއަށް ގެންދިޔައެވެ. އަދި އެމްއެމްއޭގެ ޑޭޓާ ބޭނުންކޮށްގެން ތައްޔާރުކޮށްފައިވާ އާޓުތަކަށް ވޯޓު ދިނުމުގެ ފުރުސަތުވެސް ބައިވެރިންނަށް ދެވުނެވެ.
