ޕަބްލިކް ސާވިސް މީޑިއާ (ޕީއެސްއެމް) އިން ގެނެސްދިން ކޮންޓެންޓެއްގައި ކީރިތި ޤުރުއާންގެ ބައެއް އުނިވެފައިވާތީ އެ ކުންފުނިން މައާފަށް އެދިއްޖެއެވެ. މި މައްސަލައާ ގުޅިގެން ކުންފުނިން ނެރުނު ބަޔާނުގައި ވިދާޅުވެފައިވަނީ މިއީ ވަރަށް ސީރިއަސް މައްސަލައެއްގެ ގޮތުގައި ބަލައި، ކުންފުނީގެ އިސް މުވައްޒަފުން ހިމެނޭ ކޮމިޓީއަކުން ވަނީ މި މައްސަލަ ތަހުގީގުކޮށްފައި ކަމަށެވެ.
ކޮންޓްރޯލް ރޫމްގައި އެވަގުތު ތިބި މުވައްޒަފުންގެ އިހުމާލުން މި ކުންފުނީގެ ފަރާތުން ދުރަށް ދެއްކި ކޮންޓެންޓެއްގައި ކީރިތި ގުރުއާނުގެ ބައެއް އުނިވެފައިވާތީ، އެ މުވައްޒަފުން ވަނީ މައާފަށް އެދިފައެވެ.
އެ ބަޔާނުގައިވެ އެވެ.
ޕީއެސްއެމްއިން ބުނެފައިވަނީ، ތަހުގީގުން އެނގުނު ގޮތުގައި މި މައްސަލަ ދިމާވެފައިވަނީ ކޮންޓެންޓް އެޑިޓްކުރުމުގެ ސަބަބަކުން ނޫންކަމަށާއި، ނަމަވެސް ކޮންޓެންޓް އެއް ކޮންޓްރޯލް ރޫމުން އަނެއް ކޮންޓްރޯލް ރޫމަށް ބަދަލުކުރުމުގެ ތެރޭގައިކަން ފާހަގަކުރެވުނު ކަމުގައެވެ. އަދި އެ ވަގުތު ކޮންޓްރޯލް ރޫމުގައި ތިބި މުވައްޒަފުންގެ އިހުމާލުން މި މައްސަލަ ދިމާވެފައިވާތީ، އެ މުވައްޒަފުން ވަނީ މައާފަށް އެދިފައިވާކަމަށްވެސް ބުނެފައި ވެއެވެ.
މި މައްސަލައާ ގުޅިގެން ހަބަރު ކޮންޓްރޯލް ރޫމާއި މައި ކޮންޓްރޯލް ރޫމުގައި ޑިއުޓީގައި ތިބި މުވައްޒަފުން ވަނީ މަސައްކަތުން އެކަހެރިކުރެވިފައެވެ. އަދި މިފަދަ މައްސަލައެއް އަލުން ތަކުރާރުނުވާނެ ގޮތަކަށް އިންތިޒާމުތައް ހަމަޖައްސަމުންދާކަން ޕީއެސްއެމްގެ ބަޔާނުގައި ފާހަގަކޮށްފައިވެއެވެ.
