މި އަދު ހިނގި އަލިފާނުގެ ހާދިސާއާ ގުޅިގެން މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އިން ވަނީ ނަފްސާނީ އެހީތެރިކަން ފޯރުކޮށްދިނުމަށް ނިންމާފައެވެ. އެ މިނިސްޓްރީން މައުލޫމާތު ދެއްވި ގޮތުގައި މި އަދު ދިމާވި ނުރައްކާތެރި އަލިފާނުގެ ހާދިސާގެ ސަބަބުން އަސަރުކުރި ފަރާތްތަކަށް ސައިކޮލޮޖިކަލް އެހީތެރިކަން ފޯރުކޮށްދިނުމަށްޓަކައި ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އާ ގުޅިގެން މަސައްކަތް ކުރުމަށް ވަނީ ނިންމާފައެވެ.
މި ކަމާ ގުޅިގެން ނަފްސާނީ އެހީތެރިކަން ބޭނުންފުޅުވާ ފަރާތްތަކަށް 115 އަށް ގުޅުއްވުމަށް ނުވަތަ ސޯޝަލް ސެންޓަރަށް ވަޑައިގަތުމަށް އެ މިނިސްޓްރީން ވަނީ އިލްތިމާސް ކުރައްވާފައެވެ.
އަލިފާނުގެ ހާދިސާ ހިނގި ވަގުތު އެންޑީއެމްއޭ އިން ވަނީ 50 އަށްވުރެ ގިނަ ފަރާތްތަކަށް އެހީތެރިކަން ފޯރުކޮށްދީފައެވެ. އަދި އެ ހާދިސާގައި ހިމެނުނު ފަރާތްތައް ވަގުތީގޮތުން ސޯޝަލް ސެންޓަރަށް ބަދަލުކުރެވިފައި ވެއެވެ.
ކޮމެންޓު ފޮނުވާ