ރޯދަ މަހު ބަންގި ގޮވުމުގެ މުބާރާތެއް ބާއްވަނީ

އަންނަ އަހަރުގެ ރަމަޟާން މަހު "ނޫރުލް އަޒާން 1446″ ގެ ނަމުގައި ބަންގި ގޮވުމުގެ މުބާރާތެއް ބޭއްވުމަށް ނިންމައިފިއެވެ.

މިއީ އިސްލާމިކް މިނިސްޓްރީން އިންތިޒާމުކޮށްގެން މާލޭގައި ބޭއްވުމަށް ހަމަޖެހިފައިވާ މުބާރާތެކެވެ.

މުބާރާތް އަމާޒުކޮށްފައި ވަނީ އުމުރުން 15-20 އަހަރާ ދެމެދުގެ ޒުވާނުންނަށެވެ. މި މުބާރާތުގެ އޮޑިޝަން ބޭއްވުމަށް ހަމަޖެހިފައި އަންނަ މަހުގެ 15-30 އަށް މާލޭގައެވެ.

"ނޫރުލް އަޒާން 1446″ މުބާރާތުގައި ބައިވެރިވުމުގެ ފުރުސަތު ހުޅުވާލާފައި ވަނީ މި މަހުގެ 31 ގެ މެންދުރު ދަހު 2:00 އާ ހަމައަށެވެ.

މި މުބާރާތުގެ މަގުސަދަކީ ރީތިކޮށް ބަންގި ގޮވާ ޒުވާނުންތަކެއް އުފެއްދުމެވެ.