ރައްޔިތުންގެ މަޖިލިހުގެ ތިން ވަނަ ދައުރުގެ މުއްދަތު އިތުރުކޮށްފިއެވެ.
މަޖިލިހުގެ މިއަދުގެ ޖަލްސާ ފައްޓަވަމުން މަޖިލިހުގެ ރައީސް އަބްދުއްރަހީމް އަބްދުﷲ ވިދާޅުވީ މަޖިލީހުގައި ނިންމުމަށް މުހިންމު މަސައްކަތްތަކެއް ހުރުމުން މަޖިލިހުގެ ތިން ވަނަ ދައުރު އަންނަ މަހުގެ 15 އާ ހަމައަށް އިތުރު ކުރަން ބޭނުންވާ ކަމަށެވެ.
މަޖިލީހުގެ ގަވާއިދުގައިވާ ގޮތުން މަޖިލީހުގެ މި ދައުރުގެ ފަހު ދުވަހަކީ ނޮވެމްބަރު 30 ވަނަ ދުވަހެވެ.
އަބްދުއްރަހީމް ހުށަހެޅުއްވި ގޮތަށް މަޖިލިހުގެ ތިން ވަނަ ދައުރު ދަންމާލަން ފާސް ކުރީ 68 މެމްބަރުންގެ ވޯޓުންނެވެ. އެގޮތަށް ފާސްކުރަން ނުފެންނަ ކަމަށް 11 މެމްބަރުން ވޯޓު ދެއްވިއެވެ.
ގާނޫނުއަސާސީގެ 83 ވަނަ މާއްދާގައިވާ ގޮތުން މަޖިލީހުގެ ޖަލްސާތައް އަހަރެއްގެ ތެރޭގައި ބެހިގެންދާނީ ތިން ދައުރުގެ މައްޗަށެވެ. ވާއިދުގައި ބުނެފައި ވަނީ މަޖިލީހުގެ ފުރަތަމަ ދައުރު ހިނގާނީ ކޮންމެ އަހަރެއްގެ ވެސް ޖެނުއަރީން ފެށިގެން މޭ މަހުގެ 15 އާ ހަމައަށް ކަމަށެވެ. ދެވަނަ ދައުރު ހިނގާނީ ޖޫން މަހުން ފެށިގެން އޯގަސްޓު މަހުގެ 15 ވަނަ ދުވަހުގެ ނިޔަލަށެވެ.
