ދިރާގު
ދިރ ރޯޑް ރޭހުގައި ދުވަނިކޮށް ވެއްޓި ހާލު ދެރަވެގެން ހޮސްޕިޓަލުގައި ފަރުވާ ދެމުން އައި މއ. ވައިޓް އަލީ އުމަރު މަނިކު (އޮރެގޯނާ އައްޔަ) މިއަދު ނިޔާވެއްޖެއެވެ.
މިދިޔަ މަހުގެ 25 ވަނަ ދުވަހު ބޭއްވި މި ރޭހުގައި އަލީ އުމަރު ވެއްޓުނު ހިސާބުން ފެށިގެން އޭނާއަށް ވަނީ ހޮސްޕިޓަލުގައި ފަރުވާ ދެމުން އައިސްފައެވެ.
އަލީ އުމަރުގެ ޖަނާޒާގެ އިންތިޒާމް ހަމަޖެހިފައިވަނީ މިރޭ ފަތިސް ނަމާދަށްފަހު ހުޅުމާލެ ސަހަރާގައެވެ. އޭނާ ނިޔާވުމާއި ގުޅިގެން ދިރާގުން ވެސް ވަނީ ހިތާމަ ފާޅުކޮށް އޭނާގެ އާއިލާއަށް ތައުޒިޔާ ފޮނުވާފައެވެ.
اِنَّا لِلّٰهِ وَاِنَّااِلَيْهِ رَاجِعُوْنَ
We are deeply saddened to learn that Ali Umar Manik, one of the participants of Dhiraagu Maldives Road Race 2024 has passed away today.
Our sincere condolences to his family and loved ones during this difficult time. May Allah SWT…
— Dhiraagu (@Dhiraagu) November 7, 2024
މިއީ މިފަދަ ކުޅިވަރު ހަރަކާތްތަކުގައި ބައިވެރިވުމަށްފަހު މިއަހަރު ތެރޭގައި ނިޔާވި ދެވަނަ ފަރާތެވެ. މީގެ ކުރިން ޓީއެފްޖީ ރަންގައި ބައިވެރިވުމަށް އައިސް އުޅުނު ޒުވާނަކު ނުރައްކާތެރި އެކްސިޑެންޓަކާ ގުޅިގެން ވަނީ ދުނިޔެ ދޫކޮށްފައެވެ.
