ދިވެހިރާއްޖެއިން ސައުދީ އަރަބިއްޔާއަށް ކަނޑައަޅާ ސަފީރުގެ މަޤާމަށް އަހުމަދު ސަރީރު އައްޔަނުކުރުމަށް ރައްޔިތުންގެ މަޖިލީހުން މިއަދު ރުހުން ދީފިއެވެ. މި މަޤާމަށް ސަރީރު އައްޔަނުކުރުމަށް މަޖިލީހުގެ ހާރިޖީ ގުޅުންތަކުގެ ކޮމިޓީން ދިރާސާކޮށް ފާސްކުރުމަށްފަހު، މަޖިލީހުގެ ޖަލްސާގައި ބައިވެރިވި 86 މެންބަރުންގެ އިއްތިފާގުން ވަނީ ފާސްކޮށްފައެވެ.
އަހުމަދު ސަރީރަކީ 1986 އިން ފެށިގެން ރާއްޖޭގެ ޚާރިޖީ ދާއިރާގައި ގިނަގުނަ ޚިދުމަތްތަކެއް ކޮށްދެއްވާފައިވާ އިސް ދިޕްލޮމެޓެކެވެ. އޭނާގެ މަސައްކަތުގެ ދިގު ކެރިއަރގައި ފޮރިން މިނިސްޓްރީގެ ފޮރިން ސެކްރެޓަރީކަމާއި، އެކްސެލެންސީ އަހުމަދު ސަރީރު ވަނީ އދ. އަށް ރާއްޖެއިން ކަނޑައެޅި ދާއިމީ މަންދޫބުކަމާއި، އެމެރިކާއަށް ކަނޑައެޅި ސަފީރުކަމާއި، އަދި ބަންގްލަދޭޝްގައި ހުންނަ ދިވެހިރާއްޖޭގެ ސަފީރުކަން ވެސް ކުރައްވާފައެވެ.
މި މަޤާމުތަކުގެ އިތުރުން ރާއްޖޭގެ ފޮރިން ސަރވިސްގެ އެކި ފެންވަރުގެ މަޤާމުތަކުގައި އޭނާ ވަނީ ޚިދުމަތް ކުރައްވާފައެވެ.
