އިސްލާމިކް މިނިސްޓްރީން ހާމަކުރި މަޢުލޫމާތުގައިވާ ގޮތުން، ރާއްޖޭގެ 29 މިސްކިތަކާއެކު ޖުމުލަ 40 އަކަށް ތަނުގައި ހިލޭ ގުރުއާން ކްލާސްތައް ފަށައިފިއެވެ. އިސްލާމީ ކަންތައްތަކާ ބެހޭ ވަޒީރު ޑރ. މުހައްމަދު ޝަހީމް އަލީ ސައީދު އެކްސްގައި ފާހަގަކުރެއްވި ގޮތުގައި، މި ކްލާސްތަކުގެ ސަބަބުން މިސްކިތްތަކަށް އިތުރު ދިރުމެއް ލިބިގެންދާނެއެވެ.
މި ކްލާސްތަކުގައި އެކި އުމުރުފުރާތަކުގެ ކުދިން ބައިވެރިވެ ގުރުއާން އުނގެނެމުންދާ ކަމަށާއި، މިސްކިތްތަކުގެ އިމާމުންނަކީ މި ކްލާސްތަކުގެ މުދައްރިސުން ކަމަށް މިނިސްޓްރީން ހާމަކޮށްފައިވެއެވެ. ދަރިވަރުންގެ އަތުން އެއްވެސް ފީއެއް ނުނަގައި މި ކްލާސްތައް ކުރިއަށްދާކަން ފާހަގަކޮށްފައިވެއެވެ.
އިސްލާމީ މިނިސްޓްރީން މިހާތަނަށް 32 ފަރާތަކަށް މިސްކިތްތަކުގައި ގުރުއާން ކުލާސް ހިންގުމުގެ ހުއްދަ ދީފައިވާ ކަމަށާއި، މީގެ ތެރޭގައި 23 ރަށަކާއި ތިން ޖަމްޢިއްޔާ އަދި މާލެ ސަރަޙައްދުގެ ފަސް މިސްކިތް ހިމެނޭ ކަމަށް ބުނެފައިވެއެވެ. މި މަޝްރޫޢުގެ ދަށުން، ރާއްޖޭގެ އެކި ކަންކޮޅުތަކުގައި ހުރި މިސްކިތްތަކުގައި ގުރުއާން އުނގަންނައިދިނުމުގެ މަސައްކަތް ފުޅާ ދާއިރާއެއްގައި ކުރިއަށްދާކަން މިނިސްޓްރީން ފާހަގަކޮށްފައިވެއެވެ.
