ސަރުކާރުން ހުށަހެޅި ގްރީން ޓެކްސް އިތުރުކުރުމާއި އެއަރޕޯޓް ޑިޕާޗަރ ޓެކްސް އަދި އެއަރޕޯޓް ޑިވެލޮޕްމަންޓް ފީ ބޮޑުކުރުމަށް ހުށަހެޅި ދެ ބިލު ރައްޔިތުންގެ މަޖިލީހުން ބަލައިގަނެފިއެވެ.
މި ދެ ބިލުވެސް މިހާރު ވަނީ އިތުރަށް ދިރާސާކުރުމަށް މުޅި މަޖިލީހުގެ ކޮމިޓީއަށް ފޮނުވާފައެވެ.
ބުދަ ދުވަހުގެ މެންދުރުފަހު މި ބިލުތައް މަޖިލީހަށް ހުށަހަޅާފައިވަނީ އިބްތިދާއީ ބަހުސްތަކަށްފަހުގައެވެ. ފުރަތަމަ ބިލު ކަމުގައިވާ ޓޫރިޒަމް ޤާނޫނަށް އިޞްލާޙު ގެނައުމުގެ ބިލު ހުށަހެޅުއްވީ މައްޗަންގޮޅި ދެކުނު ދާއިރާގެ މެންބަރު މުޞްޠަފާ ޙުސައިނެވެ. އަދި ދެވަނަ ބިލު ކަމުގައިވާ އެއަރޕޯޓް ޓެކްސްތަކާއި ފީތަކާބެހޭ ޤާނޫނަށް އިޞްލާޙު ގެނައުމުގެ ބިލު ހުށަހެޅުއްވީ ގެމަނަފުށި ދާއިރާގެ މެންބަރު އަސަދުﷲ ޝިހާބެވެ. މި ދެ ބިލުވެސް ފާސްވެފައިވަނީ 58 މެންބަރުންގެ އަޣުލަބިއްޔަތުން، 10 މެންބަރުން ވޯޓުދެއްވާފައިވަނިކޮށެވެ.
ޓޫރިޒަމް ޤާނޫނަށް ހުށަހަޅާފައިވާ އިޞްލާޙުގެ ދަށުން ގެސްޓްހައުސްތަކުގެ ގްރީން ޓެކްސް 3 އިންސައްތައިން 6 އިންސައްތައަށް އިތުރުވާނެއެވެ. އަދި ރިސޯޓުތަކާއި ސިޓީ ހޮޓާތަކުގެ ގްރީން ޓެކްސް 6 އިންސައްތައިން 12 އިންސައްތައަށް ދެގުނަ އިތުރުވާނެއެވެ. މި ބަދަލުތައް ޢަމަލުކުރަން ފަށާނީ 2025 ވަނަ އަހަރުގެ ޖަނަވަރީ 1 ވަނަ ދުވަހުން ފެށިގެންނެވެ.
މި ބިލުތައް މިހާރު ވަނީ މުޅި މަޖިލީހުގެ ކޮމިޓީގެ ދަށުން ދިރާސާކުރަމުންނެވެ. އެ ކޮމިޓީގައި މި ބިލުތައް ތަފްޞީލުކޮށް ދިރާސާކުރުމަށްފަހު ފަހުގެ ވޯޓަކަށް ގެންދެވޭނެއެވެ.
