މޯލްޑިވިއަން އިން ށ. ފުނަދު އަށް ކުރާ ދަތުރުތައް މެދުކަނޑާލައިފިއެވެ.
މޯލްޑިވިއަނުން ބުނީ ފުނަދުއަށް ކުރާ ދަތުރުތައް މެދުކަނޑާލީ ޓެކްނިކަލް މައްސަލައަކާ ގުޅިގެން ކަމަށެވެ. އެކަމަކު، އެކަމާ ގުޅޭ ތަފްސީލެއް ނުދެއެވެ.
ދަތުރުތައް ކެންސަލް ކުރީ އެ އެއާޕޯޓުގެ އަލިފާން ނިއްވާ އުޅަނދަކަށް ދިމާވި މައްސަލައަކާ ގުޅިގެން ކަން އެނގިފައިވެއެވެ.
މޯލްޑިވިއަން އިން ބުނީ، އެ މައްސަލަ ހައްލު ވީހާ އަވަހަށް ދަތުރުތައް ފަށާނެ ކަމަށެވެ.
މޯލްޑިވިއަން އިން ފުނަދޫއަށް ދަތުރު ކުރަނީ އަންގާރަ ދުވަހާއި ބުރާސްފަތި ދުވަސް އަދި ހޮނިހިރު ދުވަހު އެކަންޏެވެ.
ފުނަދޫ އެއާޕޯޓު ރީޖަނަލް އެއާޕޯޓްސް ކުންފުނިން ހިންގަމުންދާ އިރު، އެ އެއާޕޯޓަށް ދަތުރު ކުރަނީ ހަމައެކަނި މޯލްޑިވިއަނުން އެކަންޏެވެ.
