ދިރާގުން އެޕަލްގެ އެންމެ ފަހުގެ އައިފޯން 16 ޕްރޯ އަދި ޕްރޯ މެކްސްގެ ޕްރި އޯޑަރަށް ހުޅުވާލިކަން އިޢުލާން ކޮށްފިއެވެ.
މި އައު އައިފޯން ސީރީޒް އެޕަލްއިން ތަޢާރަފުކޮށްފައިވަނީ ސެޕްޓެމްބަރު 9 ވަނަ ދުވަހުގެ ރޭގައެވެ. ދިވެހިންގެ މެދުގައި މަޤްބޫލުކަން ލިބިފައިވާ މި އައު މޮޑެލްތައް އަވަހަށް ލިބުމުގެ ފުރުޞަތު ފަހިކޮށްދިނުމުގެ ގޮތުން، ދިރާގުގެ ވެބްސައިޓް މެދުވެރިކޮށް ޕްރި އޯޑަރުކުރުމުގެ އިންތިޒާމު ހަމަޖައްސައިދީފައިވެއެވެ.
މީގެ އިތުރުން، ދިރާގު މެދުވެރިކޮށް އައިފޯން 16 ޕްރޯ އަދި ޕްރޯ މެކްސް ގަންނަ ފަރާތްތަކަށް ޚާއްޞަ އިނާޔަތެއްގެ ގޮތުގައި 5 ޖީބީގެ ބޯނަސް ޑޭޓާ ދޭން ނިންމާފައިވާކަން ދިރާގުން ހާމަކޮށްފައިވެއެވެ. މި އައު މޮޑެލްތަކުގައި ހިތްގައިމު ޓައިޓޭނިއަމް ޑިޒައިނަކާއި، ވަރުގަދަ ކެމެރާއެއް ހިމެނޭއިރު، މީގެ ކުރީގެ މޮޑެލްތަކާ އަޅާބަލާއިރު ގިނަ އިތުރު ބަދަލުތަކެއް ގެނެސްފައިވެއެވެ.
އައިފޯން 16 ޕްރޯ އަދި ޕްރޯ މެކްސް ގަންނަން ލިބެން ހުންނާނީ ބްލެކް ޓައިޓޭނިއަމް، ނެޗުރަލް ޓައިޓޭނިއަމް، ވައިޓް ޓައިޓޭނިއަމް، އަދި ޑެޒާޓް ޓައިޓޭނިއަމް މި ހަތަރު ކުލައިގައެވެ. މި އައު މޮޑެލްތަކުގައި ގެނެސްފައިވާ އެންމެހައި ބަދަލުތަކާއެކު، ގިނަ ބަޔަކު މި އައު އައިފޯންތައް ގަތުމަށް ޝައުޤުވެރިވާނެ ކަމަށް ބެލެވެއެވެ.
