މާލޭގައި ކުދިންތަކަކަށް ޖިންސީ ގޯނާ ކުރި މީހަކު ފުލުހުން ހައްޔަރުކޮށްފިއެވެ. މި މައްސަލައިގައި ތުހުމަތު ކުރެވެނީ ބައްޕައަކު އޭނާގެ ދެ އަންހެން ދަރިންނަށާއި ތިމާގެ ކުއްޖަކަށް ޖިންސީ ގޯނާ ކުރި ކަމަށެވެ. މި މައްސަލަ ރޭ ދަންވަރު ފުލުހުންނަށް ހުށަހެޅުނު ކަމަށް ފުލުހުން މިއަދު ބުނެފައިވެއެވެ.
ފުލުހުން އިތުރަށް ހާމަކުރި ގޮތުގައި، މި މައްސަލައާ ގުޅިގެން ކޯޓު އަމުރެއްގެ ދަށުން 42 އަހަރުގެ ދިވެހި ފިރިހެނަކު ވަނީ ހައްޔަރުކޮށްފައެވެ. އަދި މި މައްސަލަ އިތުރަށް ތަހުގީގު ކުރަމުންދާ ކަމަށްވެސް ފުލުހުން ބުނެފައިވެއެވެ.
މިއާއެކު، ސައުތު ޕޮލިސްގައި ހިމެނޭ ރަށަކުންނާއި ސައުތު ސެންޓްރަލް ޕޮލިސްގައި ހިމެނޭ ރަށަކުން ޖިންސީ ގޯނާގެ އިތުރު ދެ މައްސަލައެއް ވަނީ ފުލުހަށް ރިޕޯޓުކޮށްފައެވެ.
ސައުތު ޕޮލިސް ހިމެނޭ ރަށަކުން ހުށަހެޅުނު މައްސަލައާ ގުޅިގެން 57 އަހަރުގެ ދިވެހި ފިރިހެނަކުވެސް ވަނީ ހައްޔަރުކޮށްފައެވެ. މި މައްސަލަތަކާ ގުޅޭ އިތުރު ތަފްސީލު ފުލުހުން ހާމަކޮށްފައެއް ނުވެއެވެ.
