މ. މާރަންދޫ ކައުންސިލްގެ ހުސްވެފައިވާ ގޮނޑިއަށް މެންބަރަކު ހޮވުމަށް ބޭއްވުނު ބައި-އިލެކްޝަން ސަރުކާރު ހިންގާ މައި ޕާޓީ، ޕީއެންސީން ކާމިޔާބުކޮށްފިއެވެ.
މި އިންތިޚާބު ބޭއްވުނީ އެރަށު ކައުންސިލްގެ ނައިބު ރައީސް އަޙްމަދު ރަމީޒު ޖުލައި 13 ވަނަ ދުވަހު ކުއްލިގޮތަކަށް ނިޔާވުމާ ގުޅިގެންނެވެ.
މި ބައި-އިލެކްޝަނުގައި ވާދަކުރެއްވީ އިދިކޮޅު އެމްޑީޕީގެ ކެންޑިޑޭޓް ޝިހާމް މުޙައްމަދާއި، ސަރުކާރުގެ މައި ޕާޓީ ޕީއެންސީގެ ކެންޑިޑޭޓް އަބްދުލް ޙަމީދު އަބްދުއް ސައްތާރެވެ. ވޯޓު ގުނައި ނިމުނުއިރު، ޝިހާމަށް 250 ވޯޓު ލިބުނު އިރު، އަބްދުއްސައްތާރަށް 285 ވޯޓު ލިބި، އިންތިޚާބު ކާމިޔާބުކުރެއްވިއެވެ.
މި އިންތިޚާބުގައި ޖުމްލަ 736 މީހަކަށް ވޯޓުލުމުގެ ޙައްޤު ލިބިފައިވާއިރު، އޭގެ ތެރެއިން 560 މީހުން ވަނީ ވޯޓު ދީފައެވެ.
