މެރަތަންއަކަށް ދުވަން ތައްޔާރުވަމުން ދަނިކޮށް، ބާރަށް ދުއްވާފައި ދިޔަ ރޭސް ކާރެއް އޭނާގައިގައި ޖެހި ލިބުނު ބޮޑު އަނިޔާއަށް ފަހު، ނިޔާވި ޒުވާން ހަސަން ސަމާހުގެ ޖަނާޒާ މިރޭ ހުޅުމާލޭ އާ ސަހަރާގައި ބާއްވައިފިއެވެ.
ރޭ ކުއްލި ގޮތަކަށް ހިނގި އެކްސިޑެންޓުގައި ލިބުނު އަނިޔާއާށްފަހު ސަމާހު މިދުނިޔެއާ ވަކިވެގެން ދިއުމަށްފަހު، އެކްސިޑެންޓްތަކުގައި އާއި އަދި އިހުމާލުތަކުގެ ސަބަބުން ހިގަމުންދާ މިފަދަ ހާދިސާތަކުގެ ހިތާމައާއި ކަންބޮޑުވުންތަކާ އެކު މުޅި ގައުމުގެ މަސްރަހު ހޫނު ބަހުސެއްގައި ހުއްޓައި، ސޯޝަލް މީޑިއާގައި މިއަދު ދައުރުވީ އޭނާގެ ކަށު ނަމާދު ވަގުތުގެ ވީޑިއޯއެކެވެ.
މި ވީޑިއޯއިން ފެންނަނީ ސަމާހުގެ ބައްޕަ ހިފެހެއްޓުމެއް ނެތި ރޮމުންދާ މަންޒަރެވެ. "ހުދާއި ކަޅުން" ފެންނަ މި ވީޑިއޯގައި ފުރަތަމަ ފެންނަނީ ބައްޕަ ދަރިފުޅުގެ ހަށިގަނޑާ ގާތްވާ ތަނެވެ. ދެން ކައިރީގައި ތިބޭ މީހުން އައިސް ބައްޕަ ހިފަހައްޓާ ތަން ފެނެއެވެ. ޓިޝޫ ކޮޅަކުން ކަރުނަ ފުހުމަށް ބައްޕަ މަސައްކަތްކުރާ މަންޒަރު ވެސް ވީޑިއޯއިން ފެނެއެވެ. އޭގެ ފަހުން ސަމާހުގެ މަންމަ ވެސް އޭނާގެ ހަށިގަނޑާ ގާތްވެ ރޮމުންދާ މަންޒަރު އެ ވީޑިއޯއިން ފެނެއެވެ.
ސޯޝަލް މީޑިއާގައި މީހުން ދަނީ މި ވީޑިއޯއާއެކު އާއިލާއަށް ކެތްތެރިކަން ދިނުމަށް އެދި ދުޢާކޮށް ޕޯސްޓްކުރަމުންނެވެ. މި އެކްސިޑެންޓްގައި އިހުމާލުވި ފަރާތް ހައްޔަރުކޮށް ޝަރީޢަތް ނިމެންދެން ވަނީ ބަންދުކޮށްފައެވެ.
ސަމާހުއަކީ ދުވުމަށް ޝައުޤުވެރިކަން ހުންނަ މީހެކެވެ. ދުވުމަށް ހުރި ޝައުޤުވެރިކަމާއެކު، ރާއްޖޭގައި ބާއްވާ އެކިއެކި ދުވުންތަކުގައި ބައިވެރިވެ، ކާމިޔާބުވެސް އޭނާ ހޯދާފައިވެއެވެ.
ސަމާހުގެ މަރަށްފަހު. ގަވާއިދާ ޚިލާފަށް އުޅަނދުތައް ދުއްވުން ހުއްޓުވުމަށްޓަކާ އަޅާނެ ހަރުކަށި ފިޔަވަޅުތަކެއް ރައީސް މުއިއްޒު ވަނީ މިރޭ އިއުލާން ކުރައްވާފައެވެ.
ކޮމެންޓު ފޮނުވާ