ބޭންކް އޮފް މޯލްޑިވްސް (ބީއެމްއެލް) އިން، ދެމެހެއްޓެނިވި ޕްރޮޖެކްޓްތަކަށް މާލީ އެހީތެރިކަން ފޯރުކޮށްދިނުމަށާ، ޖަމިއްޔާތައް ބާރުވެރިކޮށް، މުޖުތަމައަށް އެހީވެދޭން އެ ބޭންކުން ކުރިއަށް ގެންދާ 'ބޭންކު ފެންޑަށް" އެދި ހުށަހެޅުމަށް އިތުރު ފުރުސަތު ހުޅުވާލައިފިއެވެ.
ބީއެމްއެލް އިން ބުނީ މިއަދުން ފެށިގެން ސެޕްޓެމްބަރު 8 ވާ އާދިއްތަ ދުވަހުގެ ހަވީރު 16:00 ހަމައަށް އެޕްލިކޭޝަން ހުށަހެޅުމުގެ ފުރުސަތު ހުޅުވާލާކަމަށެވެ.
ރާއްޖޭގައި ރަޖިސްޓްރީކޮށްގެން ހިންގާ ޖަމްއިއްޔާ ޖަމާއަތް އަދި ކްލަބްތަކަށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލާފައިވާއިރު އެންމެ ރަނގަޅު 5 ޕްރޮޖެކްޓަކަށް ފަންޑު ދިނުމަށް ވަނީ ހަމަޖެހިފައެވެ. ކޮންމެ ޕްރޮޖެކްޓެއް ހިންގުމަށް 200،000 ރުފިޔާގެ ހިލޭ އެހީ ދިނުމަށް ވަނީ ހަމަޖެހިފައެވެ.
ބީއެމްއެލް އިން ބުނީ މިފަހަރު ހަތަރު ދާއިރާއަކުން ފަންޑު ދިނުމަށް ހަމަޖެހިފައިވާ ކަމަށެވެ. އެ ދާއިރާތަކުގެ ތެރޭގައި ތައުލީމާއި، ތިމާވެއްޓާއި، ކުޅިވަރާއި އަދި މުޖްތަމައުގެ ތަރައްގީ އާއި ގުޅޭ ދާއިރާތައް ހިމެނެއެވެ.
ބީއެމްއެލް އިން ފެށި "ކޮމިއުނިޓީ ފަންޑު" ދޫކޮށްލައި "ބޭންކް ފަންޑް" ނަމުގައި ފަންޑު ބޮޑުކޮށް އިފްތިތާހުކޮށްފައިވަނީ މިއަހަރުގެ މެއި މަހުގެ ތެރޭގައެވެ.
ކޮމެންޓު ފޮނުވާ