މަޝްހޫރު ހޮލީވުޑްގެ ބަތަލާ ޖެނިފާ އެނިސްޓަންގެ ގަޔަށް ކަޅުތެޔޮ ޖަހާ ވީޑިއޯ އެއް ވައިރަލް ވެއްޖެއެވެ.
މީގެ ދެދުވަހެއް ކުރިން ފެށިގެން އާންމު ވަމުން އަންނަ ވީޑިއޯ އިން ފެނިންނަ ގޮތުހުގައި އޭނާގެ ގަޔަށް ކަޅުތެޔޮ ޖެހީ ބޮޑު ކްރައުޑެއްގައި ވާހަކަ ދައްކަން ހުއްޓާއިއެވެ. އެވާހަކަތަށް އޭނާ ދިއައީ އޭނާގެ ފޯނުން ރެކޯޑްކުރަމުންނެވެ.
ހަބަރުތައް ބުނާ ގޮތުގައި މި ކަން ހިނގާފައި ވަނީ ޖެނިފާގެ ޝޯ ކަމަށްވާ "ދަ މޯނިން ޝޯ" ސީޒަން ހަތަރެއްގެ ޝޫޓިން ކުރިއަށް ދަނިކޮށެވެ. ނަމަވެސް ފަހުން ވަނީ އެކަން ހިނގި ގޮތް ސާފުވެގެން ގޮސްފައިއެވެ.
އޭނާގެ ގަޔަށް ކަޅުތެޔޮ ޖަހާފައިވަނީ ދަ މޯނިން ޝޯގެ މަންޒަރަކަށެވެ. އެއީ އެ ޝޯގެ ސްކްރިޕްޓްގައި އޮތުމުގެ ސަބަބުން ޝޯވ އިތުރަށް ފުރިހަމަ ކުރުމަށް ކުރި ކަމެއް ކަމަށް ވެސް ވެއެވެ.
ޖެނިފާ އެނިސްޓަން އާއްމުންގެ މަގުބޫލުކަން ހޯދީ 1994 ން 2004 އަށް ކުރިއަށް ގެންދިޔަ މަޝްހޫރު ސިޓްކޮމް "ފްރެންޑްސް"ގައި އޭނާ ދައްކުވައިދިން "ރޭޗަލް"ގެ ރޯލުންނެވެ.
