ދިވެހިރާއްޖޭގެ މިނިވަން ކަމަށް 59 އަހަރު ފުރޭ، 60 ވަނަ މިނިވަން ދުވަހުގެ މުނާސަބަތުގައި އައްޑޫ ސިޓީގެ ހިތަދޫގައި ބޭއްވި މި ރަސްމިއްޔާތުގައި ސދިވެހި ދިދައަަށް އިޙްތިރާމު ކުރުމުގެ ގޮތުން އެމްއެންޑީއެފް ސަދަން އޭރިއާ ކޮމާންޑުން ވަނީ ބައިވެރި ވެފައެވެ.

މިއަދު ހެނދުނު 06:00 ގައި ހިތަދޫ ސިޓީ ސްކެއަރގައި ބޭއްވި މި ދިދަ ނެގުމުގެ ރަސްމިއްޔާތު ޝަރަފުވެރިކޮށްދެއްވީ އައްޑޫ ސިޓީގެ މޭޔަރ ޢަލީ ނިޒާރުއެވެ. އަދި ދިދަބިސީގެ ކޮމާންޑަރަކަށް ހުންނެވީ މޭޖަރ ޢަބްދުﷲ ނަސީމެވެ.

މި ރަސްމިޔާތުގައި އެމްއެންޑީއެފް ސަދަން އޭރިއާ ކޮމާންޑްގެ ކޮމާންޑަރ، ކާނަލް މުޙައްމަދު ޖަމްޝާދުއާއި، އެމްއެންޑީއެފް ސަދަން އޭރިއާ ކޮމާންޑްގެ ސާޖަންޓް މޭޖަރ، ސާޖަންޓް މޭޖަރ މުހައްމަދު އަޙްމަދުގެ އިތުރުން އެ ކޮމާންޑްގެ ސްޓާފް އޮފިސަރުންނާއި، އައްޑޫ ސިޓީ ކައުންސިލާއި، އައްޑޫ ސިޓީގައި ހުރި ދަޢުލަތުގެ އެކި މުޢައްސަސާތަކުގެ ވެރިން ބައިވެރިވެ ވަޑައިގެންނެވިއެވެ.